ന്യൂഡല്ഹി: വിദ്യാര്ഥികളെയും മാധ്യമപ്രവര്ത്തകരെയും അടിച്ചമര്ത്തുന്ന കേന്ദ്രത്തിലെ മോദി സര്ക്കാര് ഭീരു ആണെന്ന് കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധി. യുവാക്കളുടെ ശബ്ദത്തെ അടിച്ചമര്ത്താനാവില്ലെന്നും പ്രിയങ്ക ട്വിറ്ററില് പറഞ്ഞു. ഡല്ഹി ജാമിയ മില്ലിയ സര്വകലാശാലയില് നടന്ന പ്രതിഷേധത്തെ പിന്തുണച്ചായിരുന്നു പ്രിയങ്കയുടെ ട്വീറ്റ്.
സര്വകലാശാലകളില് കയറി പോലീസ് വിദ്യാര്ഥികളെ തല്ലിച്ചതയ്ക്കുന്നു. സര്ക്കാര് മുന്നോട്ടുവന്ന് ജനങ്ങളെ കേള്ക്കേണ്ട ഘട്ടത്തില് വടക്കുകിഴക്കന് സംസ്ഥാനങ്ങളിലേയും ഉത്തര്പ്രദേശ്, ഡല്ഹി എന്നിവിടങ്ങളിലേയും വിദ്യാര്ഥികളെയും മാധ്യമപ്രവര്ത്തകരെയും അടിച്ചമര്ത്തുകയാണ്. ഇത് ഭീരുക്കളുടെ സര്ക്കാരാണ് പ്രിയങ്ക പറഞ്ഞു.
യുവാക്കളുടെ ശബ്ദത്തെ അടിച്ചമര്ത്താന് കഴിയില്ലെന്ന് പ്രിയങ്ക മുന്നറിയിപ്പ് നല്കി. ഈ സര്ക്കാര് പൊതുജനങ്ങളുടെ ശബ്ദത്തെ ഭയപ്പെടുന്നു. സേഛ്ഛാധിപത്യത്തിലൂടെ ഈ രാജ്യത്തെ യുവാക്കളെ സര്ക്കാര് അടിച്ചമര്ത്താന് ശ്രമിക്കുകയാണ്- പ്രിയങ്ക ട്വീറ്റ് ചെയ്തു.