കൊച്ചി: പൗരത്വ നിയമ ഭേദഗതി നിയമത്തില്‍ ഗവര്‍ണര്‍ക്ക് മറുപടിയുമായി മന്ത്രി തോമസ് ഐസക്ക്. ഗവര്‍ണര്‍ പറയുന്നത് കേന്ദ്രസര്‍ക്കാര്‍ നയങ്ങള്‍ക്ക് അനുസരിച്ചാണ്. ഗവര്‍ണര്‍ക്ക് കേന്ദ്ര നയമേ പറയാന്‍ കഴിയൂ. എന്നാല്‍ സംസ്ഥാനം ഭരിക്കുന്നവര്‍ക്ക് വ്യത്യസ്ത നിലപാടാണെന്നും മന്ത്രി ഐസക്ക് കൊച്ചിയില്‍ പറഞ്ഞു.
പൗരത്വ ഭേദഗതി നിയമം കേരളത്തില്‍ നടപ്പിലാക്കാതിരിക്കാന്‍ കഴിയില്ലെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞിരുന്നു. ഭരണഘടന അനുസരിച്ച്‌ കേന്ദ്ര നിയമം അനുസരിക്കാന്‍ എല്ലാവര്‍ക്കും ബാധ്യസ്്ഥതയുണ്ട്. ജനങ്ങള്‍ക്ക് രാഷ്ട്രീയ തീരുമാനങ്ങളിലൂടെ എന്ത് പ്രശ്‌നമുണ്ടായാലും സംരക്ഷകരായി കോടതിയുണ്ട്. പൗരത്വ നിയമ ഭേദഗതി സംബന്ധിച്ച്‌ ആശങ്ക വേണ്ടന്നും ഗവര്‍ണര്‍ പറഞ്ഞിരുന്നു.
