തിരുവനന്തപുരം: കൊച്ചി പാലാരിവട്ടം മെട്രോ സ്റ്റേഷന് സമീപം യുവാവ് കുഴിയിൽ വീണ് മരിച്ച സംഭവത്തിൽ ഒന്നാം പ്രതി സർക്കാരാണെന്ന് പ്രതിപക്ഷ നേതാവ് രമേശ് ചെന്നിത്തല. വഴിയാത്രക്കാരുടെ ജീവനുകൾ പൊലീയുന്പോൾ വകുപ്പുകൾ പരസ്പരം പഴിചാരി ഒളിച്ചോടുകയാണ്. മരിച്ച യുവാവിന്റെ കുടുംബത്തിന് അർഹമായ നഷ്ടപരിഹാരം നൽകണമെന്നും ചെന്നിത്തല ആവശ്യപ്പെട്ടു.
കൂനമ്മാവ് സ്വദേശി യദുലാലാണ് മരിച്ചത്. പാലാരിവട്ടം മെട്രോ സ്റ്റേഷന് സമീപത്ത് ജല അതോറിറ്റി എട്ട് മാസം മുൻപ് കുഴിച്ച കുഴിയിൽ വീണാണ് യുവാവ് മരിച്ചത്.