തിരുവനന്തപുരം: 24ാമത് കേരള രാജ്യാന്തര ചലച്ചിത്രോത്സവത്തിന് വെള്ളിയാഴ്ച തുടക്കമാകും. വൈകീട്ട് ആറിന് നിശാഗന്ധി ഓഡിറ്റോറിയത്തില് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. സാംസ്കാരിക മന്ത്രി എ.കെ. ബാലന് അധ്യക്ഷതവഹിക്കും. മന്ത്രി കടകംപള്ളി സുരേന്ദ്രനാണ് മുഖ്യാതിഥി. നടി ശാരദയാണ് വിശിഷ്ടാതിഥി.ഫെസ്റ്റിവല് ബുക്കിെന്റ പ്രകാശനം ഡോ. ശശി തരൂര് മേയര് കെ. ശ്രീകുമാറിന് നല്കിയും ഫെസ്റ്റിവല് ബുള്ളറ്റിന് വി.കെ. പ്രശാന്ത് എം.എല്.എ ജില്ലാ പഞ്ചായത്ത് പ്രസിഡന്റ് വി.കെ. മധുവിന് നല്കിയും പ്രകാശനം ചെയ്യും.
തുടര്ന്ന് ഉദ്ഘാടനചിത്രമായ പാസ്ഡ് ബൈ സെന്സര് പ്രദര്ശിപ്പിക്കും. വിവിധ തിയറ്ററുകളില് രാവിലെ 10 മുതലാണ് ചിത്രങ്ങളുടെ പ്രദര്ശനം. മേളക്കായി 8998 സീറ്റാണ് സജ്ജമാക്കിയത്. 3500 സീറ്റുള്ള ഓപണ് തീയറ്റര് ആയ നിശാഗന്ധിയാണ് ഏറ്റവും വലിയ പ്രദര്ശനവേദി. മിഡ്െനെറ്റ് സ്ക്രീനിങ് ചിത്രമായ ഡോര്ലോക് ഉള്െപ്പടെ പ്രധാന ചിത്രങ്ങള് ഇവിടെ പ്രദര്ശിപ്പിക്കും. മേളയുടെ നാലാം ദിനം രാത്രി 12നാണ് ചിത്രത്തിെന്റ പ്രദര്ശനം.
ബാര്ക്കോ ഇലക്ട്രോണിക്സിെന്റ നൂതനമായ ലേസര് ഫോസ്ഫര് ഡിജിറ്റല് പ്രോജക്ടറാണ് ഇത്തവണ നിശാഗന്ധിയില് പ്രദര്ശനത്തിന് ഉപയോഗിക്കുന്നത്. അന്താരാഷ്ട്ര മത്സരവിഭാഗത്തില് ഈജിപ്ഷ്യന് സംവിധായകന് ഖൈറി ബെഷാറ ചെയര്മാന്. ഇറാനിയന് നടി ഫാത്തിമ മൊദമ്മദ് ആര്യ, കസാഖ് സംവിധായകന് അമീര് കരാക്കുലോവ്, സംവിധായകനും ഛായാഗ്രാഹകനുമായ രാജീവ് മേനോന്, മറാത്തി സംവിധായകന് നാഗരാജ് മഞ്ജുളെ എന്നിവരാണ് ജൂറി അംഗങ്ങള്.