കാലിഫോര്‍ണിയയില്‍ ഇന്ത്യന്‍ വിദ്യാര്‍ഥിയെ വെടിവച്ചു കൊലപ്പെടുത്തിയ കേസില്‍ യുഎസ് പൗരന്‍ അറസ്റ്റിലായി . എറിക് ടര്‍ണര്‍ (42 )എന്നയാളാണ് പിടിയിലായതെന്ന് സാന്‍ ബെര്‍ണാഡീനോ പോലീസ് അറിയിച്ചു.
കഴിഞ്ഞദിവസമായിരുന്നു കേസിനാസ്പദമായ സംഭവം നടന്നത് . മൈസൂരു സ്വദേശി അഭിഷേക് സുധേഷ് ഭട്ടാ(25 )ണ് വെടിയേറ്റു മരിച്ചത്. കാലിഫോര്‍ണിയ സ്റ്റേറ്റ് യൂണിവേഴ്സിറ്റിയിലെ കമ്ബ്യൂട്ടര്‍ സയന്‍സ് വിദ്യാര്‍ഥിയായിരുന്ന അഭിഷേക് . പാര്‍ട്ട് ടൈം ജോലി ചെയ്തിരുന്ന ഹോട്ടലില്‍ വെച്ച്‌ വിദ്യാര്‍ത്ഥിയെ വെടിവെച്ചു കൊലപ്പെടുത്തുകയായിരുന്നു .
രണ്ടുവര്‍ഷം മുന്‍പാണ് ബിരുദാനന്തര ബിരുദ പഠനത്തിനായി അഭിഷേക് കാലിഫോര്‍ണിയയില്‍ എത്തിയത് . കൊലയാളിയായ എറിക് ശനിയാഴ്ച രാവിലെ പോലീസില്‍ കീഴടങ്ങുകയായിരുന്നു എന്നാണു വിവരം. പ്രതിയെ പിന്നീട് കോടതിയില്‍ ഹാജരാക്കി .
