ഹൈ​ദ​രാ​ബാ​ദ്: തെ​ലു​ങ്കാ​ന​യി​ല്‍ വ​നി​താ വെ​റ്റ​റി​ന​റി ഡോ​ക്ട​റെ മാ​ന​ഭം​ഗ​പ്പെ​ടു​ത്തി​യ ശേ​ഷം ക​ത്തി​ച്ചു കൊ​ല​പ്പെ​ടു​ത്തി​യ സം​ഭ​വ​ത്തി​ല്‍ പോ​ലീ​സു​കാ​ര്‍​ക്ക് സ​സ്പെ​ന്‍​ഷ​ന്‍. ഡോ​ക്ട​റെ കാ​ണാ​താ​യെ​ന്ന പ​രാ​തി​യി​ല്‍ എ​ഫ്‌ഐ​ആ​ര്‍ ര​ജി​സ്റ്റ​ര്‍ ചെ​യ്യാ​ന്‍ വൈ​കി​യ​തി​നാ​ണ് ന​ട​പ​ടി. ഷം​ഷാ​ബാ​ദ് പോ​ലീ​സ് സ്റ്റേ​ഷ​നി​ലെ എ​സ്‌ഐ ഉ​ള്‍​പ്പെ​ടെ മൂ​ന്ന് പോ​ലീ​സു​കാ​രെ​യാ​ണ് സ​സ്പെ​ന്‍​ഡ് ചെ​യ്ത​ത്.

സ​ബ് ഇ​ന്‍​സ്‌​പെ​ക്ട​ര്‍ ര​വി കു​മാ​ര്‍, ഹെ​ഡ് കോ​ണ്‍​സ്റ്റ​ബി​ള്‍​മാ​രാ​യ വേ​ണു ഗോ​പാ​ല്‍, സ​ത്യ​നാ​രാ​യ​ണ ഗൗ​ഡ് എ​ന്നി​വ​രെ​യാ​ണ് സ​സ്‌​പെ​ന്‍​ഡ് ചെ​യ്ത​ത്. അ​ന്വേ​ഷ​ണം ന​ട​ത്തി​യ ശേ​ഷ​മാ​ണ് മൂ​ന്നു പേ​രെ​യും സ​സ്‌​പെ​ന്‍​ഡ് ചെ​യ്ത​ത്. പോ​ലീ​സി​ന്‍റെ ഭാ​ഗ​ത്തു​നി​ന്ന് വീ​ഴ്ച​യു​ണ്ടാ​യ​താ​യി പെ​ണ്‍​കു​ട്ടി​യു​ടെ കു​ടും​ബം ആ​രോ​പി​ച്ചി​രു​ന്നു. ഇ​ക്കാ​ര്യം ചൂ​ണ്ടി​ക്കാ​ട്ടി പെ​ണ്‍​കു​ട്ടി​യു​ടെ സ​ഹോ​ദ​രി പോ​ലീ​സി​ല്‍ പ​രാ​തി​യും ന​ല്‍​കി​യി​രു​ന്നു. തു​ട​ര്‍​ന്നാ​ണ് പോ​ലീ​സു​കാ​ര്‍​ക്കെ​തി​രെ ന​ട​പ​ടി സ്വീ​ക​രി​ച്ച​ത്.

അ​തി​നി‌​ടെ പ്ര​തി​ക​ള്‍​ക്കു വ​ധ​ശി​ക്ഷ ന​ല്‍​ക​ണ​മെ​ന്നാ​വ​ശ്യ​പ്പെ​ട്ടു പ്ര​തി​ഷേ​ധം ശ​ക്ത​മാ​ണ്. പ​ലേ​ട​ത്തും പ്ര​തി​ഷേ​ധ​ങ്ങ​ള്‍ അ​ര​ങ്ങേ​റി. സ​മൂ​ഹ​മാ​ധ്യ​മ​ങ്ങ​ളി​ലും പ്ര​തി​ഷേ​ധ സ​ന്ദേ​ശ​ങ്ങ​ള്‍ നി​റ​യു​ക​യാ​ണ്. ഡോ​ക്‌​ട​റെ മാ​ന​ഭം​ഗ​പ്പെ​ടു​ത്തി​യ ശേ​ഷം ചു​ട്ടു​കൊ​ന്ന കേ​സി​ല്‍ നാ​ലു ലോ​റി​ത്തൊ​ഴി​ലാ​ളി​ക​ള്‍ അ​റ​സ്റ്റി​ലാ​യി​രു​ന്നു.

മു​ഖ്യ​പ്ര​തി​യാ​യ ലോ​റി ഡ്രൈ​വ​ര്‍ മു​ഹ​മ്മ​ദ് പാ​ഷ എ​ന്ന ആ​രി​ഫ്, ജോ​ളു ന​വീ​ന്‍, ചി​ന്ന​കേ​ശ​വു​ലു, ജോ​ളു ശി​വ എ​ന്നി​വ​രാ​ണ് പി​ടി​യി​ലാ​യ​ത്. കേ​സ് ഫാ​സ്റ്റ് ട്രാ​ക്ക് കോ​ട​തി​യി​ലേ​ക്കു മാ​റ്റ​ണ​മെ​ന്നു പോ​ലീ​സ് അ​പേ​ക്ഷ ന​ല്‍​കി.

സ​ര്‍​ക്കാ​ര്‍ മൃ​ഗാ​ശു​പ​ത്രി​യി​ലെ ഡോ​ക്ട​റാ​യ ഇ​രു​പ​ത്തി​യാ​റു​കാ​രി ബു​ധ​നാ​ഴ്ച വൈ​കി​ട്ടു ജോ​ലി​ക​ഴി​ഞ്ഞു മ​ട​ങ്ങു​ന്പോ​ഴാ​ണു സം​ഭ​വം. ഷം​ഷാ​ബാ​ദി​ലെ ടോ​ള്‍ പ്ലാ​സ​യി​ല്‍​നി​ന്ന് 100 മീ​റ്റ​ര്‍ അ​ക​ലെ വൈ​കി​ട്ട് ആ​റോ​ടെ സ്കൂ​ട്ട​ര്‍ നി​ര്‍​ത്തി​യ ഇ​വ​ര്‍ ഗ​ച്ചി​ബൗ​ളി​യി​ലേ​ക്കു പോ​യി. ഈ ​സ​മ​യം പ്ര​തി​ക​ള്‍ സ​മീ​പ​ത്തു​ണ്ടാ​യി​രു​ന്നു. നാ​ലു പേ​രും ഇ​വി​ടെ​യി​രു​ന്നു മ​ദ്യ​പി​ക്കു​ക​യാ​യി​രു​ന്നെ​ന്നാ​ണു പോ​ലീ​സ് പ​റ​യു​ന്ന​ത്. യു​വ​തി​യെ ക​ണ്ട​തോ​ടെ മാ​ന​ഭം​ഗ​പ്പെ​ടു​ത്താ​ന്‍ ഇ​വ​ര്‍ പ​ദ്ധ​തി​യി​ട്ടു.

പ്ര​തി​ക​ളി​ലൊ​രാ​ളാ​യ ജോ​ളു ശി​വ യു​വ​തി​യു​ടെ സ്കൂ​ട്ട​റി​ന്‍റെ ട​യ​റു​ക​ള്‍ പ​ഞ്ച​റാ​ക്കി. യു​വ​തി തി​രി​ച്ചു​വ​ന്ന​പ്പോ​ള്‍ സ​ഹാ​യം വാ​ഗ്ദാ​നം ചെ​യ്തു. തു​ട​ര്‍​ന്ന് ജോ​ളു ശി​വ സ്കൂ​ട്ട​ര്‍ ന​ന്നാ​ക്കാ​നാ​യി ത​ള്ളി​ക്കൊ​ണ്ടു​പോ​യി. ഇ​തി​നി​ടെ, സം​ശ​യം തോ​ന്നി​യ യു​വ​തി ത​ന്‍റെ ഇ​ള​യ സ​ഹോ​ദ​രി​യെ വി​ളി​ച്ചു. ത​ന്‍റെ സ്കൂ​ട്ട​ര്‍ പ​ഞ്ച​റാ​യെ​ന്നും സ​ഹാ​യി​ക്കാ​നെ​ത്തി​യ​വ​രെ സം​ശ​യ​മു​ണ്ടെ​ന്നും അ​റി​യി​ച്ചു. സ്ഥ​ല​ത്തു​നി​ന്നു വേ​ഗം പോ​രാ​ന്‍ നി​ര്‍​ദേ​ശി​ച്ച സ​ഹോ​ദ​രി പി​ന്നീ​ടു തി​രി​കെ ഫോ​ണ്‍ വി​ളി​ച്ച​പ്പോ​ള്‍ ഓ​ഫാ​യി​രു​ന്നു.

ഫോ​ണ്‍ വി​ളി​ച്ച​തി​നു പി​ന്നാ​ലെ മ​റ്റു​മൂ​ന്നു​പേ​രും ചേ​ര്‍​ന്നു യു​വ​തി​യെ ബ​ല​മാ​യി പി​ടി​ച്ച്‌ അ​ടു​ത്ത വ​ള​പ്പി​ല്‍ കൊ​ണ്ടു​പോ​യി കൂ​ട്ട​ബ​ലാ​ത്സം​ഗം ചെ​യ്യു​ക​യാ​യി​രു​ന്നെ​ന്നാ​ണ് പോ​ലീ​സ് പ​റ​യു​ന്ന​ത്. സ്കൂ​ട്ട​റു​മാ​യി തി​രി​ച്ചെ​ത്തി​യ ജോ​ളു ശി​വ​യും യു​വ​തി​യെ ഉ​പ​ദ്ര​വി​ച്ചു. പി​ന്നീ​ടു ശ്വാ​സം​മു​ട്ടി​ച്ചു കൊ​ല​പ്പെ​ടു​ത്തു​ക​യും മൃ​ത​ദേ​ഹം ലോ​റി​യു​ടെ കാ​ബി​നി​ല്‍ ഒ​ളി​പ്പി​ക്കു​ക​യും ചെ​യ്തു. പി​ന്നീ​ട് സം​ഭ​വ സ്ഥ​ല​ത്തു​നി​ന്ന് 20 കി​ലോ​മീ​റ്റ​ര്‍ അ​ക​ലെ മൃ​ത​ദേ​ഹം എ​ത്തി​ച്ചു ക​ത്തി​ച്ചു. ര​ണ്ടു പേ​ര്‍ ലോ​റി​യി​ലും മ​റ്റു​ള്ള​വ​ര്‍ ഡോ​ക്‌​ട​റു​ടെ സ്കൂ​ട്ട​റി​ലു​മാ​ണു​പോ​യ​ത്. പെ​ട്രോ​ളും ഡീ​സ​ലും ഉ​പ​യോ​ഗി​ച്ചാ​ണ് മൃ​ത​ദേ​ഹം ക​ത്തി​ച്ച​ത്.