തിരുവനന്തപുരം: നിക്ഷേപ സമാഹരണത്തിനായി മുഖ്യമന്ത്രി പിണറായി വിജയനും മന്ത്രിമാരുള്‍പ്പെട്ട സംഘവും വിദേശയാത്രക്കൊരുങ്ങുന്നു. ഈ മാസം 24 മുതല്‍ ഡിസംബര്‍ നാലു വരെയാണ് സന്ദര്‍ശനമെന്ന് സര്‍ക്കാര്‍ വൃത്തങ്ങള്‍ അറിയിച്ചു.
ജപ്പാന്‍, കൊറിയ എന്നീ രാജ്യങ്ങളിലാണ് സംഘം സന്ദര്‍ശനം നടത്തുക. മുഖ്യമന്ത്രിയെ കൂടാതെ മന്ത്രിമാരായ ഇ.പി ജയരാജന്‍, എ.കെ ശശീന്ദ്രന്‍, ചീഫ് സെക്രട്ടറി, ആസൂത്രണ ബോര്‍ഡ് അംഗം ഡോ. വി.കെ രാമചന്ദ്രന്‍ എന്നിവരാണ് സംഘത്തിലുള്ളത്.
നേരത്തേ, പ്രളയത്തെ തുടര്‍ന്ന് ദുരിതാശ്വാസ ധനസമാഹരണത്തിന് വിദേശരാജ്യങ്ങളില്‍ പിരിവ് നടത്താന്‍ പോകാനുള്ള മന്ത്രിമാരുടെ നീക്കം കേന്ദ്ര സര്‍ക്കാര്‍ തടഞ്ഞിരുന്നു. മുഖ്യമന്ത്രിക്ക് മാത്രമാണ് അന്ന് കര്‍ശന ഉപാധികളോടെ അനുമതി നല്‍കിയത്.
