ബംഗാള്‍ ഉള്‍ക്കടലില്‍ ആന്‍ഡമാന്‍ സമുദ്രത്തോട് ചേര്‍ന്ന് രൂപംകൊണ്ട ന്യൂനമര്‍ദം ഇന്ന് ബുള്‍ബുള്‍ ചുഴലിക്കാറ്റായി മാറി ബംഗാള്‍ തീരത്തേക്കു നീങ്ങുമെന്ന് കാലാവസ്ഥാ വകുപ്പ്. മണിക്കൂറില്‍ 130 കിലോമീറ്റര്‍ വരെ വേഗമാര്‍ജിക്കും. നാളെ മുതല്‍ 10 വരെ തീവ്ര ചുഴലിക്കാറ്റ് നീണ്ടുനില്‍ക്കുമെന്നാണ് വിലയിരുത്തല്‍.
അതേസമയം, അറബിക്കടലിലെ മഹാ ചുഴലിക്കാറ്റ് ഗുജറാത്ത് തീരത്തേക്കു നീങ്ങുകയാണെങ്കിലും ശക്തി കുറയുന്നുണ്ട്. ഇന്ന് ഇത് ന്യൂനമര്‍ദമായി ദുര്‍ബലമാകും.
ഇന്നും നാളെയും കേരളത്തില്‍ വ്യാപകമായ മഴയ്ക്ക് സാധ്യതയുണ്ട്. നാളെ ഇഡുക്കി, പത്തനംതിട്ട, ആലപ്പുഴ, മലപ്പുറം ജില്ലകളില്‍ ശക്തമായ മഴയ്ക്കു സാധ്യതയുള്ളതിനാല്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.
