കോഴിക്കോട്: വ്യാജ ഒസ്യത്ത് സംബന്ധിച്ച്‌ ഉയര്‍ന്ന ആരോപണങ്ങള്‍ തള്ളി കോണ്‍ഗ്രസ് കോഴിക്കോട് ഡി.സി.സി പ്രസിഡന്‍റ് ടി.സിദ്ധിഖ്. വിഷയത്തില്‍ ഇടപെടാന്‍ പറഞ്ഞത് അടുത്ത സുഹൃത്ത് അജയ് ഫിലോമിനാണ്. അജയ്യുടെ പിതാവിെന്‍റ ഉടമസ്ഥതയിലുള്ളതാണ് ഭൂമി. ഇതുമായി ബന്ധപ്പെട്ട് കുടുംബത്തിലെ ആര്‍ക്കും പരാതിയില്ലെന്നും സിദ്ധിഖ് പറഞ്ഞു.
റിട്ട. ജുഡീഷ്യല്‍ മജിസ്ട്രേറ്റ് കെ.എ ലിങ്കണ്‍ എബ്രഹാമിെന്‍റ പേരിലുള്ള കോടികണക്കിന് രൂപയുടെ സ്വത്തുക്കള്‍ വ്യാജ ഒസ്യത്തുണ്ടാക്കി തട്ടിയെടുത്തുവെന്ന പരാതിയില്‍ ടി.സിദ്ധിഖിനെതിരെ അന്വേഷണം നടത്താന്‍ ഉത്തരവിട്ടിരുന്നു. മുഖ്യമന്ത്രിയുടെ പ്രശ്നപരിഹാര സെല്ലിനാണ് ഇതുമായി ബന്ധപ്പെട്ട പരാതി ലഭിച്ചത്. ഇത് താമരശ്ശേരി ഡി.വൈ.എസ്.പിക്ക് കൈമാറുകയായിരുന്നു.
ലിങ്കണ്‍ എബ്രഹാം 27 ഏക്കര്‍ ഭൂമി തെന്‍റ പിതാവിെന്‍റ പേരിലുള്ള കെ.എ എബ്രഹാം മെമ്മോറിയല്‍ ചാരിറ്റബിള്‍ ട്രസ്റ്റിന് എഴുതി വെച്ചിരുന്നു. ലിങ്കണ്‍ എബ്രഹാം തയാറാക്കിയ ഒസ്യത്ത് പ്രകാരം അദ്ദേഹത്തിെന്‍റ മരണശേഷം ഭൂമി ചാരിറ്റബിള്‍ ട്രസ്റ്റിന് ഉപയോഗിക്കാം എന്നതായിരുന്നു വ്യവസ്ഥ. എന്നാല്‍ പിന്നീട് ഈ സ്വത്തുക്കള്‍ ലിങ്കണ്‍ എബ്രഹാം മറ്റൊരു ഒസ്യത്തിലൂടെ തനിക്ക് കൈമാറിയെന്ന് സഹോദരന്‍ ഫിലോമിന് അവകാശപ്പെടുകയായിരുന്നു. വ്യാജ ഒസ്യത്തിലൂടെ ഫിലോമിന് സ്വത്ത് തട്ടിയെടുക്കാന്‍ കോണ്‍ഗ്രസ് നേതാക്കള്‍ സഹായിച്ചുവെന്നാണ് പരാതി.
