കര്‍ണാടകയില്‍ നിന്നുള്ള തീര്‍ത്ഥാടകര്‍ സഞ്ചരിച്ച മിനിബസ് കൊക്കയിലേക്ക് മറിഞ്ഞ് ഏഴു മരണം. ആറുപേര്‍ക്ക് പരിക്കേറ്റിട്ടുണ്ട്. ഇവരുടെ നില ഗുരുതരമാണ്. കര്‍ണാടകയിലെ ചിത്രദുര്‍ഗ ജില്ലയില്‍ നിന്നുള്ള സഞ്ചാരികളാണ് അപകടത്തില്‍പെട്ടത്. തെലങ്കാനയിലേയും ആന്ധ്രയിലേയും തീര്‍ത്ഥാടനകേന്ദ്രത്തിലേക്കാണ് ഇവര്‍ യാത്രചെയ്തിരുന്നത്. മരേദുമില്ലി–വാല്‍മീകിക്കൊണ്ട റോഡില്‍വച്ച്‌ ഇവര്‍ സഞ്ചരിച്ച മിനിബസ് കൊക്കയിലേക്ക് മറിയുകയായിരുന്നു. ആറുപേര്‍ സംഭവസ്ഥലത്ത് വച്ചും ഒരാള്‍ ആശുപത്രിയിലുമാണ് കൊല്ലപ്പെട്ടത്.
ആന്ധ്രാപ്രദേശില്‍ മിനിബസ് കൊക്കയിലേക്ക് മറിഞ്ഞ് ഏഴ് മരണം
