ന്യൂഡല്‍ഹി: സഞ്ജു സാംസണിന് അവസരം നല്‍കണമെന്ന് വ്യക്തമാക്കി മുന്‍ ക്രിക്കറ്റ് താരവും എംപിയുമായ ഗൗതം ഗംഭീര്‍. ട്വിറ്ററിലൂടെയാണ് ഗംഭീര്‍ ഇക്കാര്യം ആവശ്യപ്പെട്ടത്. വിജയ് ഹസാരെ ഏകദിന ക്രിക്കറ്റില്‍ ഇരട്ട സെഞ്ചുറി നേടിയ സഞ്ജു സാംസണെ ഗംഭീര്‍ അഭിനന്ദിക്കുകയും ചെയ്‌തു. ഗോവയ്ക്കെതിരായ ഗ്രൂപ്പ് പോരാട്ടത്തിലാണ് സഞ്ജു ഇരട്ട ശതകം നേടിയത്. 129 പന്തില്‍ 21 ഫോറും 10 സിക്സും പറത്തിയ സഞ്ജു 212 റണ്‍സുമായി പുറത്താകാതെ നിന്നു. വിജയ് ഹസാരെ ട്രോഫിയിലെ ഏറ്റവും ഉയര്‍ന്ന വ്യക്തിഗത സ്കോര്‍ എന്ന നേട്ടവും സഞ്ജുവിന്റെ പേരിലാണ്.
സഞ്ജു സാംസണിന് അവസരം നല്‍കണമെന്ന് വ്യക്തമാക്കി ഗൗതം ഗംഭീര്‍
