അങ്കമാലി: ദേശീയപാതയില്‍ ചരക്കു ലോറിക്കു പിന്നില്‍ മിനിലോറിയിടിച്ച്‌ ഡ്രൈവര്‍ മരിച്ചു. മിനി ലോറിയുടെ ഡ്രൈവര്‍ തൃശൂര്‍ വെങ്ങിണിശേരി കൂനം പ്ലാക്കല്‍ വീട്ടില്‍ തോമസ് (59) ആണ് മരിച്ചത്. അര്‍ധരാത്രി ദേശീയ പാതയില്‍ കരയാംപറമ്ബിലായിരുന്നു അപകടം.
ഒരേ ദിശയില്‍ സഞ്ചരിക്കുകയായിരുന്നു ചരക്ക് ലോറിയും മിനി ലോറിയും. ചരക്കു ലോറിയുടെ പിന്നിലേക്ക് മിനി ലോറി ഇടിച്ചുകയറുകയായിരുന്നു. അപകടത്തില്‍ ഡ്രൈവര്‍ തല്‍ക്ഷണം മരിച്ചു. അങ്കമാലി ഫയര്‍ഫോഴ്സ് എത്തി വാഹനം പൊളിച്ചാണ് ഡ്രൈവറുടെ മൃതദേഹം പുറത്തെടുത്തത്.
അങ്കമാലി താലൂക്ക് ആശുപത്രിയില്‍ പോസ്റ്റ്മോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു. സംസ്കാരം ശനിയാഴ്ച രാവിലെ പാലക്കല്‍ സെന്‍റ് മാത്യൂസ്‌ പള്ളിയില്‍ നടക്കും.
