ന്യൂയോര്‍ക്ക്: യോങ്കേഴ്‌സ് മലയാളി അസോസിയേഷന്‍ മുന്‍ പ്രസിഡന്റും ഫോമയിലെ സ്ഥിര സാന്നിധ്യവുമായിരുന്ന ബിനു ജോസഫി(48) ന്റെ നിര്യാണത്തില്‍ അനുശോചന പ്രവാഹം. ഹൃദയസ്തംഭനത്തെ തുടര്‍ന്നു വ്യാഴാഴ്ചയാണ് അദ്ദേഹം നിര്യാതനായത്. യോങ്കേഴ്‌സ് മലയാളി അസോസിയേഷന്‍ ട്രഷറര്‍ ആയിരുന്നു. വിപുലമായ ആഘോഷങ്ങളോടെ ശനിയാഴ്ച യോങ്കേഴ്‌സ് മലയാളി അസോസിയേഷന്റെ ഓണാഘോഷങ്ങള്‍ നടക്കാനിരിക്കെയാണ് അപ്രതീക്ഷിതമായി മരണം സംഭവിച്ചത്. ഇതേത്തുടര്‍ന്ന് ഓണാഘോഷങ്ങളുടെ മാറ്റ് കുറച്ചിട്ടുണ്ട്. ഓണാഘോഷത്തിലെ എല്ലാ സാംസ്‌കാരികകലാപരിപാടികളും മാറ്റിയതായി പ്രസിഡന്റ് ജോഫ്രിന്‍ ജോസ് അറിയിച്ചു. എന്നാല്‍ പഴയിടം മോഹനന്‍ നമ്പൂതിരിയുടെ നേതൃത്വത്തിലുള്ള ഓണ സദ്യ ഉണ്ടാവും. അതു മാറ്റി വയ്ക്കുക ഒട്ടേറെ വിഷമതകള്‍ സൃഷ്ടിക്കുമെന്നതു കൊണ്ട് നിശ്ചയിച്ചതു പോലെ രാവിലെ 11-നു തന്നെ സദ്യ നടക്കും.
കോട്ടയം സ്വദേശിയായ ബിനു ജനിച്ചതും വളര്‍ന്നതും ഭോപ്പാലിലാണ്. കഴിഞ്ഞ മുപ്പത്തിരണ്ടു വര്‍ഷമായി ന്യൂയോര്‍ക്കില്‍ യോങ്കേഴ്‌സിനടുത്ത് മൊഹീജന്‍ ലേക്ക് സിറ്റിയില്‍ താമസം. യോങ്കേഴ്സില് നിന്നു അടുത്തയിടക്കാണു മൊഹീഗന്‍ ലേക്കിലേക്കു താമസം മാറ്റിയത്. ടാക്‌സ് ആന്‍ഡ് അക്കൗണ്ടിങ് ഓഫീസില്‍ സേവനമനുഷ്ഠിക്കുകയായിരുന്നു. മാവേലിക്കര്‍ ഗിരിശേരില്‍ കുടുംബാംഗം പരേതനായ ജോസഫ് വര്‍ഗീസിന്റെയും കോട്ടയം താന്നിക്കല്‍ കുടുംബാംഗം രമണി ജോസഫിന്റെയും പുത്രനാണ്. കമ്പ്യൂട്ടര്‍ പ്രൊഫഷണലാണ്. മക്കള്‍: മെലനി, തിമത്തി. ഷാരണ്‍ മാത്യു (ഡാളസ്) സഹോദരിയാണ്. മനോജ് മാത്യു ആണ് സഹോദരീ ഭര്‍ത്താവ്. മക്കള്‍: മെലനി, തിമോത്തി. ഷാരണ്‍ മാത്യു ഡാളസ് സഹോദരിയാണ്. പൊതുദര്‍ശനം ഞായറാഴ്ച വൈകിട്ട്. സംസ്‌കാരം തിങ്കളാഴ്ച (23) സെന്റ് തോമസ് ഓര്ത്തഡോക്സ് ചര്‍ച്ച് യോങ്കേഴ്‌സ്.
ശനിയാഴ്ച വീട്ടില്‍ പ്രാര്‍ഥന 2698 Deer Track ct, Mohegan Lake, NY-10547
പൊതുദര്‍ശനം: ഞായര്‍ സെപ്റ്റംബര്‍ 22, 4 മുതല്‍ 8 വരെ: ട്രിനിറ്റി ചര്‍ച്ച്, 18 ട്രിനിറ്റി പ്ലെയ്‌സ്, യോങ്കേഴ്‌സ്, ന്യുയോര്‍ക്ക്-10701 (914) 715-6219
സംസ്‌കാര ശുശ്രൂഷ തിങ്കളാഴ്ച (സെപ്റ്റംബര്‍ 23) 9 am സെന്റ് തോമസ് ഓര്ത്തഡോക്സ് ചര്‍ച്ച് യോങ്കേഴ്സില് . 2 River View Pl, Yonkers, NY-10701
സംസ്‌കാരം മൗണ്ട് ഹോപ്പ് സെമിത്തെരിയില്‍
