ബാഹുബലിക് ശേഷം പ്രഭാസ് നായകനായി എത്തിയ പുതിയ ചിത്രമാണ് സഹോ. ചിത്രം ഓഗസ്റ്റ് 30ന് പ്രദര്‍ശനത്തിന് എത്തി. വലിയ കളക്ഷന്‍ ആണ് ചിത്രം നേടിയത്. 400 കോടിക്ക് മുകളിലാണ് ചിത്രത്തിന്‍റെ ഇതുവരെയുള്ള കളക്ഷന്‍. 153 കോടിക്ക് മുകളിലാണ് ചിത്രത്തിന്‍റെ ഹിന്ദി പതിപ്പ് നേടിയത്. ബോളിവുഡില്‍ ബാഹുബലിയുടെ പ്രഭാസ് നേടിയ താര പദവിയാണ് ഇതിന് കാരണം. ബാഹുബലി 2ന് ശേഷം ആദ്യ ദിവസം തന്നെ 100 കോടി നേടുന്ന രണ്ടാമത്തെ ചിത്രമാണ് സാഹോ. ചിത്രം ആദ്യ ദിനം 130 കോടിക്ക് മുകളിലാണ് കളക്ഷന്‍ നേടിയത്. രണ്ട് ദിവസംകൊണ്ട് ചിത്രം വാരികൂട്ടിയത് 205 കോടിയും.

സുജീത് ആണ് ചിത്രം കഥ എഴുതി സംവിധാനം ചെയ്തിരിക്കുന്നത്. ബിഗ് ബഡ്ജറ്റില്‍ ഒരുങ്ങുന്ന ചിത്രത്തില്‍ ബോളിവുഡ് നടി ശ്രദ്ധ കപൂര്‍ ആണ് നായിക.ചിത്രം മലയാളത്തില്‍ അത്ര വിജയം നേടിയില്ല എന്നതൊഴിച്ചാല്‍ ബാക്കിയെല്ലാടത്തും ചിത്രത്തിന് നല്ല അഭിപ്രായമാണ് ഉള്ളത്. അരുണ്‍ വിജയ്, ഈവിലിന്‍ ശര്‍മ്മ, നീല്‍ നിതിന്‍ മുകേഷ്, മന്ദിര ബേദി, കിഷോര്‍, ആദിത്യ തുടങ്ങിയവരാണ് ചിത്രത്തിലെ മറ്റ് താരങ്ങള്‍. ചിത്രം നിര്‍മിച്ചിരിക്കുന്നത് പ്രമോദ് ഉപ്പലപതി,വാസിം കൃഷ്ണ റെഡ്ഡി,ഭൂഷണ്‍ കുമാര്‍ എന്നിവര്‍ ചേര്‍ന്നാണ്. ജിബ്രാന്‍ ആണ് ചിത്രത്തിന് ബാക്ക്ഗ്രൗണ്ട് സ്‌കോര്‍ ഒരുക്കിയിരിക്കുന്നത്.