തിരുവനന്തപുരം: പിഎസ്‌സി പരീക്ഷകള്‍ മലയാളത്തില്‍ നടത്താന്‍ തത്വത്തില്‍ തീരുമാനം. പ്രായോഗിക നടപടികള്‍ ചര്‍ച്ച ചെയ്ത് തീരുമാനിക്കും. പിഎസ്‌സി ചെയര്‍മാന്‍ മുഖ്യമന്ത്രിയുമായി നടത്തിയ ചര്‍ച്ചയിലാണ് നിര്‍ണായകമായ തീരുമാനങ്ങള്‍. എല്ലാ സര്‍വകലാശാലകളിലെയും വൈസ് ചാന്‍സലര്‍മാരുടെ യോഗം വിളിക്കും. കേരള അഡ്മിനിസ്‌ട്രേറ്റീവ് സര്‍വീസ് (കെഎഎസ്) പരീക്ഷ മലയാളത്തിലും നടത്താന്‍ ധാരണയായി.