ന്യൂഡല്‍ഹി: രാഷ്ട്രപതിയുടെ ഔദ്യോഗിക വസതിയായ രാഷ്ട്രപതി ഭവന് സമീപം ഡ്രോണ്‍ പറത്തിയ സംഭവത്തില്‍ രണ്ട് പേര്‍ പിടിയില്‍. അമേരിക്കന്‍ പൗരന്മാരായ അച്ഛനും മകനുമാണ് അറസ്റ്റിലായത്. ഡല്‍ഹി പോലീസാണ് ഇരുവരെയും അറസ്റ്റ് ചെയ്തത്.
സെപ്തംബര്‍ 14നായിരുന്നു സംഭവം നടന്നത്. ഡ്രോണ്‍ പറത്താനുണ്ടായ സാഹചര്യം എന്തായിരുന്നുവെന്ന് പോലീസ് വ്യക്തമാക്കിയിട്ടില്ല. ഇരുവരെയും ചോദ്യം ചെയ്ത് വരികയാണെന്നും വിശദമായ അന്വേഷണം നടത്തുമെന്നും ഡല്‍ഹി പോലീസ് അറിയിച്ചു.
