ബാഹുബലിക് ശേഷം പ്രഭാസ് നായകനായി എത്തിയ പുതിയ ചിത്രമാണ് സഹോ. ചിത്രം ഓഗസ്റ്റ് 30ന് പ്രദര്‍ശനത്തിന് എത്തി. ചിത്രം ഇതുവരെ നേടിയത് 424 കോടിക്ക് മുകളില്‍ കളക്ഷന്‍ ആണ്. ബാഹുബലി 2ന് ശേഷം ആദ്യ ദിവസം തന്നെ 100 കോടി നേടുന്ന രണ്ടാമത്തെ ചിത്രമാണ് സാഹോ. ചിത്രം ആദ്യ ദിനം 130 കോടിക്ക് മുകളിലാണ് കളക്ഷന്‍ നേടിയത്. രണ്ട് ദിവസംകൊണ്ട് ചിത്രം വാരികൂട്ടിയത് 205 കോടിയും. ആദ്യ ഏഴ് ദിവസം കൊണ്ട് ചിത്രം വാരിയത് 370 കോടിക്ക് മുകളിലാണ്. സുജീത് ആണ് ചിത്രം കഥ എഴുതി സംവിധാനം ചെയ്തിരിക്കുന്നത്. ബിഗ് ബഡ്ജറ്റില്‍ ഒരുങ്ങുന്ന ചിത്രത്തില്‍ ബോളിവുഡ് നടി ശ്രദ്ധ കപൂര്‍ ആണ് നായിക. ചിത്രം എല്ലായിടത്തും നല്ല അഭിപ്രായം നേടി മുന്നേറുകയാണ്.

അരുണ്‍ വിജയ്, ഈവിലിന്‍ ശര്‍മ്മ, നീല്‍ നിതിന്‍ മുകേഷ്, മന്ദിര ബേദി, കിഷോര്‍, ആദിത്യ തുടങ്ങിയവരാണ് ചിത്രത്തിലെ മറ്റ് താരങ്ങള്‍. ചിത്രം നിര്‍മിച്ചിരിക്കുന്നത് പ്രമോദ് ഉപ്പലപതി,വാസിം കൃഷ്ണ റെഡ്ഡി,ഭൂഷണ്‍ കുമാര്‍ എന്നിവര്‍ ചേര്‍ന്നാണ്. ജിബ്രാന്‍ ആണ് ചിത്രത്തിന് ബാക്ക്ഗ്രൗണ്ട് സ്‌കോര്‍ ഒരുക്കിയിരിക്കുന്നത്.