ജമ്മുകശ്മീരിലെ നിയമസഭ തെരഞ്ഞെടുപ്പ് ഈ വര്‍ഷം അവസാനത്തോടെ നടത്തുമെന്ന് കേന്ദ്ര ആഭ്യന്തര മന്ത്രി അമിത് ഷാ. തെരഞ്ഞെടുപ്പ് നടത്താനുള്ള
തയ്യാറെടുപ്പുകള്‍ കേന്ദ്രസര്‍ക്കാര്‍ ആരംഭിച്ചു കഴിഞ്ഞെന്ന് അമിത് ഷാ ലോക്സഭയില് അറിയിച്ചു.
സംസ്ഥാനത്തെ രാഷ്ട്രപതി ഭരണം 6 മാസത്തേക്ക് കൂടി നീട്ടുമെന്നും അദ്ദേഹം വ്യക്തമാക്കി.
ഇതിനിടെ ജമ്മുകശ്മീര്‍ സംവരണ ബില്‍ അമിത് ഷാ ലോക്സഭയില് അവതരിപ്പിച്ചു. സാമ്പത്തികമായി പിന്നാക്കം നില്‍ക്കുന്നവര്‍ക്ക് 10 ശതമാനം സംവരണം ഉറപ്പാക്കുന്ന ബില്ലാണ് അദ്ദേഹം ലോക്സഭയില് അവതരിപ്പിച്ചത്. ആരെയും പ്രീതിപ്പെടുത്താനല്ല കശ്മീര്‍ അതിര്‍ത്തി മേഖലയിലെ ജനങ്ങള്‍ക്ക് വേണ്ടിയാണ് ബില്‍ അവതരിപ്പിക്കുന്നതെന്ന് അമിത് ഷാ പറഞ്ഞു.
