മോർഗൻ പുലിയായി, അഫ്ഗാനിസ്ഥാനെ ഇംഗ്ലണ്ട് കടിച്ചുകീറി

അ​ഫ്ഗാ​നി​സ്ഥാ​നെ​ ​അ​ടി​ച്ചു​ ​
പ​ഞ്ച​റാ​ക്കി​ ​ഇം​ഗ്ള​ണ്ട്

ഇംഗ്ളണ്ടിന് കൂറ്റന്‍ സ്കോര്‍, 397/6.

ഇയോന്‍ മോര്‍ഗന് സെഞ്ച്വറി (148)

ജോ റൂട്ടിനും (88), ബെയര്‍ സ്റ്റോയ്ക്കും (90) അര്‍ദ്ധ സെഞ്ച്വറികള്‍.

മാ​ഞ്ച​സ്റ്റ​ര്‍​ ​:​ ​ലോ​ക​ക​പ്പി​ല്‍​ ​ഇ​ന്ന​ലെ​ ​ആ​തി​ഥേ​യ​രാ​യ​ ​ഇം​ഗ്ള​ണ്ടി​നെ​തി​രെ​ ​പ​ന്തെ​​റി​ഞ്ഞ​ശേ​ഷം​ ​അ​ഫ്ഗാ​നി​സ്ഥാ​ന്‍​ കളി​ക്കാര്‍ക്ക്​ ​മാ​ന​ത്തേ​ക്ക് ​നോ​ക്കി​ ​വാ​യും​ ​പൊ​ളി​ച്ച്‌ ​നി​ല്‍​ക്കാ​നാ​യി​രു​ന്നു​ ​വി​ധി.​ ​ഇ​യോ​ന്‍​ ​മോ​ര്‍​ഗ​നും​ ​ജോ ​റൂ​ട്ടും​ ​ബെ​യ​ര്‍​സ്റ്റോ​യും​ ​മൊ​യീ​ന്‍​ ​അ​ലി​യു​മൊ​ക്കെ​ ​ഒ​ന്നി​നു​ ​പി​റ​കെ​ ​ഒ​ന്നാ​യി​ ​സി​ക്സു​ക​ള്‍​ ​അ​ടി​ച്ചു​ ​കൂ​ട്ടി​യ​പ്പോ​ള്‍​ ​നി​ശ്ചി​ത​ 50​ ​ഓ​വ​റി​ല്‍​ ​അ​ഫ്ഗാ​ന്‍​ ​വ​ഴ​ങ്ങി​യ​ത് 397​ ​റ​ണ്‍​സ്.​ ​ആ​കാ​ശ​ത്തേ​ക്ക് ​ഇ​രു​കൈ​ക​ളു​മു​യ​ര്‍​ത്തി​ ​അ​മ്ബ​യ​ര്‍​മാ​രും​ ​ത​ള​ര്‍​ന്നു​ ​കാ​ണും.​ ​ഏ​ക​ദി​ന​ത്തി​ലും​ ​ട്വ​ന്റി​-20​യി​ലും​ ​ഐ.​പി.​എ​ല്ലി​ലു​മൊ​ക്കെ​ ​അ​ത്ഭു​ത​ ​ബൗ​ള​റാ​യി​ ​വാ​ഴ്ത്ത​പ്പെ​ട്ട​ ​റാ​ഷി​ദ്ഖാ​ന്റെ​ ​മാ​ന​വും​ ​ഇ​ന്ന​ലെ​ ​മോ​ര്‍​ഗ​നും​ ​കൂ​ട്ട​രും​ ​കീ​റി​പ്പ​റ​ത്തി.

മ​റു​പ​ടി​ക്കി​റ​ങ്ങി​യ​ ​അ​ഫ്ഗാ​ന്‍​ ​ഒ​ടു​വി​ല്‍​ ​വി​വ​രം​ ​ല​ഭി​ക്കു​മ്ബോ​ള്‍​ 27​ ​ഓ​വ​റി​ല്‍​ 108​/3​എ​ന്ന​ ​നി​ല​യി​ലാ​ണ്. മ​ന്‍​സൂ​ര്‍​ ​അ​ലി​ ​സ​ദ്രാ​ന്‍​ ​(0​),​ ​ഗു​ലാ​ബ്ദി​ന്‍​ ​നെ​യ്ബ് ​(37​),​ ​റ​ഹ്മ​ത്ത് ​ഷാ​ ​(46​)​ ​എ​ന്നി​വ​രാ​ണ് ​പു​റ​ത്താ​യ​ത്.
​ടോ​സ് ​നേ​ടി​ ​ബാ​റ്റിം​ഗി​നി​റ​ങ്ങി​യ​ ​ഇം​ഗ്ള​ണ്ട് ​ആ​റ് ​വി​ക്ക​റ്റ് ​ന​ഷ്ട​ത്തി​ലാണ് ​ 397​ ​റ​ണ്‍​സടി​ച്ച​ത്.​ ​നാ​യ​ക​ന്‍​ ​ഇ​യോ​ന്‍​ ​മോ​ര്‍​ഗ​ന്റെ​ ​സെ​ഞ്ച്വ​റി​യും​ ​(71​ ​പ​ന്തി​ല്‍​ 148​ ​റ​ണ്‍​സ്),​ ​ഓ​പ്പ​ണ​ര്‍​ ​ജോ​ണി​ ​ബെ​യ​ര്‍​ ​സ്റ്റോ​യു​ടെ​യും​ ​(99​ ​പ​ന്തു​ക​ളി​ല്‍​ 90​ ​റ​ണ്‍​സ്).​ ​ജോ​റൂ​ട്ടി​ന്റെ​യും​ ​(82​ ​പ​ന്തു​ക​ളി​ല്‍​ 88​ ​റ​ണ്‍​സ്).​ ​അ​ര്‍​ദ്ധ​ ​സെ​ഞ്ച്വ​റി​ക​ളു​ടെ​യും​ ​മി​ക​വി​ലാ​ണ് ​ഇം​ഗ്ള​ണ്ട് ​ഈ​ ​ലോ​ക​ക​പ്പി​ലെ​ ​ഇ​തു​വ​രെ​യു​ള്ള​ ​ഏ​റ്റ​വും​ ​ഉ​യ​ര്‍​ന്ന​ ​സ്കോ​ര്‍​ ​നേ​ടി​യ​ത്.​ 17​ ​സി​ക്സു​ക​ളു​മാ​യി​ ​മോ​ര്‍​ഗ​ന്‍​ ​ഏ​ക​ദി​ന​ ​മ​ത്സ​ര​ത്തി​ലെ​ ​സി​ക്സു​ക​ളു​ടെ​ ​റെ​ക്കാ​ഡ് ​തി​രു​ത്തി​ക്കു​റി​ക്കു​ക​യും​ ​ചെ​യ്തു.
​ശ്ര​ദ്ധ​യോ​ടെ​ ​തു​ട​ങ്ങി​ ​അ​വ​സാ​ന​ഘ​ട്ട​ത്തി​ല്‍​ ​ആ​ഞ്ഞ​ടി​ക്കു​ന്ന​ ​രീ​തി​യാ​ണ് ​ഇം​ഗ്ള​ണ്ട് ​അ​നു​വ​ര്‍​ത്തി​ച്ച​ത്.​ ​ജാ​സ​ണ്‍​റോ​യ് ​പ​രി​ക്കു​മൂ​ലം​ ​പു​റ​ത്തി​രു​ന്ന​പ്പോ​ള്‍​ ​ബെ​യ​ര്‍​സ്റ്റോ​യ്ക്കൊ​പ്പം​ ​ഇ​ന്നിം​ഗ്സ് ​ആ​രം​ഭി​ക്കാ​നെ​ത്തി​യ​ത് ​ജെ​യിം​സ് ​വി​ന്‍​സാ​ണ്.​ 31​ ​പ​ന്തു​ക​ളി​ല്‍​ 26​ ​റ​ണ്‍​സെ​ടു​ത്ത​ ​വി​ന്‍​സ് 10​-ാം​ ​ഓ​വ​റി​ല്‍​ ​ദൗ​ല​ത്ത് ​സാ​ദ്രാ​ന്റെ​ ​പ​ന്തി​ല്‍​ ​മു​ജി​ബു​ര്‍​ ​റ​ഹ്‌​മാ​ന് ​കാ​ച്ച്‌ ​ന​ല്‍​കി​ ​മ​ട​ങ്ങു​മ്ബോ​ള്‍​ ​ഇം​ഗ്ള​ണ്ട് 44​ ​റ​ണ്‍​സാ​ണ് ​നേ​ടി​യി​രു​ന്ന​ത്.​ ​തു​ട​ര്‍​ന്ന് ​ ജോ ​റൂ​ട്ട് ​ബെ​യ​ര്‍​ ​സ്റ്റോ​യ്ക്കൊ​പ്പം​ ഇ​ന്നിം​ഗ്സ് ​മു​ന്നോ​ട്ടു​നീ​ക്കി.​ 12​-ാം​ ​ഓ​വ​റി​ല്‍​ 50​ ​ക​ട​ന്ന​ ​ഇം​ഗ്ള​ണ്ട് 20​-ാം​ ​ഓ​വ​റി​ല്‍​ 100​ലെ​ത്തി.​ ​തു​ട​ര്‍​ന്ന് ​റ​ണ്‍​റേ​റ്റ് ​ഉ​യ​രാ​ന്‍​ ​തു​ട​ങ്ങി.​ 120​ ​റ​ണ്‍​സ് ​കൂ​ട്ടി​ച്ചേ​ര്‍​ത്ത​ ​സ​ഖ്യം​ 36​-ാം​ ​ഓ​വ​റി​ലാ​ണ് ​പു​റ​ത്താ​യ​ത്.​ ​എ​ട്ടു​ ​ഫോ​റും​ ​മൂ​ന്ന് ​സി​ക്സും​ ​പ​റ​ത്തി​യ​ ​ബെ​യ​ര്‍​സ്റ്റോ​യെ​ ​ ​നാ​യ്ബ് ​സ്വ​ന്തം​ ​ബൗ​ളിം​ഗി​ല്‍​ ​പി​ടി​കൂ​ടു​ക​യാ​യി​രു​ന്നു.
തു​ട​ര്‍​ന്ന് ​ക്യാ​പ്ട​ന്‍​ ​ക​ള​ത്തി​ലേ​ക്കി​റ​ങ്ങി.​ ​മി​ന്ന​ലു​പോ​ലെ​ ​സി​ക്സു​ക​ള്‍​ ​പ​റ​ത്തി​യ​ ​മോ​ര്‍​ഗ​ന്‍​ ​ സ്കോ​ര്‍​ ​ബോ​ര്‍​ഡ് ​റോ​ക്ക​റ്റ് ​വേ​ഗ​ത്തി​ലാ​ക്കി.​ ​റൂ​ട്ടും​ ​ത​ക​ര്‍​ക്കാ​ന്‍​ ​തു​ട​ങ്ങി​യ​തോ​ടെ​ ​അ​ഫ്ഗാ​ന്‍​ ​ബൗ​ള​ര്‍​മാ​ര്‍​ ​നി​സ​ഹാ​യ​രാ​യി.​ ​ 95​ ​പ​ന്തു​ക​ളി​ല്‍​ ​നി​ന്ന് ​മോ​ര്‍​ഗ​ന്‍​-​റൂ​ട്ട് ​സ​ഖ്യം​ ​കൂ​ട്ടി​ച്ചേ​ര്‍​ത്ത​ത് 189​ ​റ​ണ്‍​സാ​ണ്.
47​-ാം​ ​ഓ​വ​റി​ല്‍​ ​ന​യ്ബ് ​ത​ന്നെ​ ​മോ​ര്‍​ഗ​നെ​യും​ ​റൂ​ട്ടി​നെ​യും​ ​റ​ഹ്‌​മ​ത്ത് ​ഷാ​യു​ടെ​ ​കൈ​യി​ലെ​ത്തി​ച്ചെ​ങ്കി​ലും​ ​അ​തി​ന​കം​ ​ഇം​ഗ്ള​ണ്ട് 359​/4​ ​എ​ന്ന​ ​സ്കോ​റി​ലെ​ത്തി​യി​രു​ന്നു.​ ​​ബ​ട്‌​ല​റും​ ​(2​)​ ​സ്റ്റോ​ക്സും​ ​(2​)​ ​പെ​ട്ടെ​ന്ന് ​മ​ട​ങ്ങി​യെ​ങ്കി​ലും​ ​9 പ​ന്തു​ക​ളി​ല്‍​ ​ഒ​രു​ ​ഫോ​റും​ ​നാ​ല് ​സി​ക്സു​മ​ട​ക്കം​ ​പു​റ​ത്താ​കാ​തെ​ 31​ ​റ​ണ്‍​സ് ​നേ​ടി​ ​മൊ​യീ​ന്‍​ ​അ​ലി​ ​ടീ​മി​നെ​ 397​ലെ​ത്തി​ച്ചു.

.

25

സിക്സുകളാണ് ഇംഗ്ളീഷ് ബാറ്റ്സ്‌മാന്‍മാരെല്ലാം ചേര്‍ന്ന് ഇന്നലെ അടിച്ചുകൂട്ടിയത്. ഏകദിന മത്സരത്തില്‍ ഒരു ടീം നേടുന്ന ഏറ്റവും കൂടുതല്‍ സിക്സുകള്‍ എന്ന റെക്കാഡ് ഇതോടെ ഇംഗ്ളണ്ട് സ്വന്തമാക്കി. ഈ വര്‍ഷമാദ്യം വെസ്റ്റ് ഇന്‍ഡീസിനെതിരെ ഇംഗ്ളണ്ട് തന്നെ ഉയര്‍ത്തിയിരുന്ന റെക്കാഡാണ് ഇന്നലെ തിരുത്തിയെഴുതപ്പെട്ടത്.

17

സിക്സുകളാണ് ഇംഗ്ളീഷ് ക്യാപ്ടന്‍ ഇയോന്‍ മോര്‍ഗന്‍ ഇന്നലെ പറത്തിയത്. ഏകദിനത്തില്‍ ഏറ്റവും കൂടുതല്‍ സിക്സുകള്‍ ഒരു മത്സരത്തില്‍ നേടുന്ന ബാറ്റ്സ്‌മാന്‍ എന്ന റെക്കാഡും മോര്‍ഗന്‍ സ്വന്തമാക്കി. 16 സിക്സുകള്‍ വീതം നേടിയിരുന്ന ഇന്ത്യന്‍ ഓപ്പണര്‍ രോഹിത് ശര്‍മ്മ, ദക്ഷിണാഫ്രിക്കന്‍ ബാറ്റ്സ്‌മാന്‍ എ.ബി. ഡിവില്ലിയേഴ്സ്, വെസ്റ്റ് ഇന്‍ഡീസ് ബാറ്റ്‌സ്‌മാന്‍ ക്രിസ്‌ഗെയ്ല്‍ എന്നിവരുടെ പേരിലുണ്ടായിരുന്ന റെക്കാഡാണ് മോര്‍ഗന്‍ തകര്‍ത്തുകളഞ്ഞത്. ഇന്നലെ സിക്സുകളില്‍ നിന്ന് മാത്രം മോര്‍ഗന്‍ 102 റണ്‍സ് നേടി.

11

സിക്സുകളാണ് അഫ്ഗാന്‍ സ്പിന്നര്‍ റാഷിദ്ഖാന്‍ ഇന്നലെ വഴങ്ങിയത്.

110

റണ്‍സാണ് റാഷിദ് ഖാന്‍ ഇന്നലെ ഒന്‍പത് ഓവറില്‍ വഴങ്ങിയത്. ഇന്നിംഗ്സില്‍ കൂടുതല്‍ റണ്‍സ് വിട്ടുകൊടുക്കുന്ന മൂന്നാമത്തെ ബൗളറായി റാഷിദ് മാറി. 2006ല്‍ ദക്ഷിണാഫ്രിക്കയ്ക്കെതിരെ 10 ഓവറില്‍ 113 റണ്‍സ് വഴങ്ങിയ ആസ്ട്രേലിയന്‍ ബൗളര്‍ മിക്ക് ലെവിസും 2016ല്‍ ഇംഗ്ളണ്ടിനെതിരെ 10 ഓവറില്‍ 110 റണ്‍സ് വഴങ്ങിയ പാകിസ്ഥാനി പേസര്‍ വഹാബ് റിയാസുമാണ് റാഷിദിന് മുന്നിലുള്ളത്. എന്നാല്‍, ഇക്കോണമിയില്‍ ഇവരെക്കാള്‍ മോശമാണ് റാഷിദ് (12:22).

മിസ് ക്യാച്ച്‌

വ്യക്തിഗത സ്കോര്‍ 28ല്‍ നില്‍ക്കെ റാഷിദിന്റെ ബൗളിംഗില്‍ ദൗലത്ത് സാദ്രാന്‍ മോര്‍ഗന്റെ ക്യാച്ച്‌ കൈവിട്ട് നിര്‍ണായകമായി.

4

ലോകകപ്പിലെ നാലാമത്തെ വേഗതയേറിയ സെഞ്ച്വറിയാണ് മോര്‍ഗന്‍ സ്വന്തമാക്കിയത്. 57 പന്തുകളില്‍ നിന്നാണ് മോര്‍ഗന്‍ മൂന്നക്കം തികച്ചത്.

8

സിക്സുകളാണ് റാഷിദ് ഖാനെതിരെ മോര്‍ഗന്‍ പറത്തിയത്.

142

റണ്‍സാണ് അവസാന പത്തോവറില്‍ ഇംഗ്ളണ്ട് അടിച്ചുകൂട്ടിയത്.

397/6

ഈ ലോകകപ്പിലെ ഇതുവരെയുള്ള ഏറ്റവും ഉയര്‍ന്ന സ്കോറാണ് ഇംഗ്ളണ്ട് ഇന്നലെ നേടിയത്. ബംഗ്ളാദേശിനെതിരെ ഇംഗ്ളണ്ട് തന്നെ ഉയര്‍ത്തിയ 386/6 ആണ് ഇന്നലെ പഴങ്കഥയായത്.

4

ഈ ലോകകപ്പില്‍ ഇത് നാലാം തവണയാണ് ഇംഗ്ളണ്ട് 300ന് മേല്‍ സ്കോര്‍ ഉയര്‍ത്തുന്നത്.

22

ഈ ലോകകപ്പില്‍ മോര്‍ഗന്‍ ഇതുവരെ നേടിയ സിക്സുകളുടെ എണ്ണം 22 ആയി

367

ഈ ലോകകപ്പിലെ റണ്‍വേട്ടയില്‍ രണ്ടാം സ്ഥാനത്താണ് ജോറൂട്ട്. 384 റണ്‍സ് നേടിയ ബംഗ്ളാദേശ് താരം ഷാക്കിബ് അല്‍ഹസാണ് ഒന്നാം സ്ഥാനത്ത്.