പോ​ലീ​സി​നെ പ്ര​തി​ക്കൂ​ട്ടി​ലാ​ക്കി​ക്കൊ​ണ്ട് കേ​ര​ള​ത്തെ ഞെ​ട്ടി​ച്ച അ​രും​കൊ​ല​യി​ലെ പ്ര​തി​ക്കെ​തി​രേ വ​കു​പ്പു​ത​ല അ​ച്ച​ട​ക്ക ​ന​ട​പ​ടിക്ക് ഒരുങ്ങി ആ​ഭ്യ​ന്ത​ര​വ​കു​പ്പ്. വ​ള്ളി​ക്കു​ന്നം പോ​ലീ​സ് സ്റ്റേ​ഷ​നി​ലെ വ​നി​ത സി​പി​ഒ സൗ​മ്യ​യു​ടെ കൊ​ല​പാ​ത​ക​ത്തി​ൽ പ്ര​ഥ​മ​ദൃ​ഷ്ട്യ ​കു​റ്റ​ക്കാ​ര​നെ​ന്നു തെ​ളി​ഞ്ഞ ആ​ലു​വ ട്രാ​ഫി​ക് സ്റ്റേ​ഷ​നി​ലെ സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ അ​ജാ​സി​നെ​തി​രെ​യാ​ണ് ന​ട​പ​ടി​ക്കൊ​രു​ങ്ങു​ന്ന​ത്.

കൃ​ത്യ​ത്തി​നു​ശേ​ഷം ദേ​ഹ​ത്ത് പെ​ട്രോ​ൾ ഒ​ഴി​ച്ച് ആ​ത്മ​ഹ​ത്യ​യ്ക്ക് ശ്ര​മി​ച്ച​ അ​ജാ​സ് അ​ന്പ​തു​ ശ​ത​മാ​നം പൊ​ള്ള​ലേ​റ്റ് വണ്ടാനം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. വ​കു​പ്പു​ത​ല​ത്തി​ൽ ന​ട​ത്തി​യ പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ട് കി​ട്ടു​ന്ന മു​റ​യ്ക്ക് അ​ച്ച​ട​ക്ക ന​ട​പ​ടി ഉ​ട​ൻ ഉ​ണ്ടാ​കു​മെ​ന്ന് റൂ​റ​ൽ എ​സ്പി കെ. ​കാ​ർ​ത്തി​ക് അ​റി​യി​ച്ചു.

കഴി​ഞ്ഞ ജൂ​ലൈ​യി​ലാ​ണ് അ​ജാ​സ് ആ​ലു​വ ട്രാ​ഫി​ക്കി​ൽ സ്ഥ​ലം​മാ​റി​യെ​ത്തി​യ​ത്. ഒ​ന്പ​താം തീ​യ​തി മു​ത​ൽ അ​വ​ധി​യി​ൽ പ്ര​വേ​ശി​ച്ച ഇ​യാ​ൾ ആ​സൂ​ത്രി​ത​മാ​യി കൃ​ത്യം ന​ട​ത്തു​ക​യാ​യി​രു​ന്നു​വെ​ന്നാ​ണ് പോ​ലീ​സി​ന്‍റെ നി​ഗ​മ​നം.