ഇ​ട​യ്ക്കി​ടെ ത​ട​സ​പ്പെ​ടു​ത്താ​നെ​ത്തി​യ മ​ഴ മേ​ഘ​ങ്ങ​ൾ​ക്കും ഇ​ന്ത്യ​യു​ടെ വി​ജ​യ​ത്തെ ഒ​ഴു​ക്കി​ക്ക​ള​യാ​നാ​യി​ല്ല. ലോ​ക​ക​പ്പി​ലെ ആ​വേ​ശ​പ്പോ​രാ​ട്ട​ത്തി​ൽ ചി​ര​വൈ​രി​ക​ളാ​യ പാ​ക്കി​സ്ഥാ​നെ ഇ​ന്ത്യ 89 റ​ൺ​സി​നു പ​രാ​ജ​യ​പ്പെ​ടു​ത്തി. മ​ഴ നി​യ​മ​പ്ര​കാ​രം 40 ഓ​വ​റാ​യി വെ​ട്ടി​ച്ചു​രു​ക്കി​യ മ​ത്സ​ര​ത്തി​ൽ പാ​ക് വി​ജ​യ​ല​ക്ഷ്യം 302 റ​ൺ​സാ​യി പു​തു​ക്കി നി​ശ്ച​യി​ച്ചു. എ​ന്നാ​ൽ പാ​ക്കി​സ്ഥാ​ന് 212 റ​ൺ​സ് എ​ടു​ക്കാ​ൻ മാ​ത്ര​മാ​ണ് സാ​ധി​ച്ച​ത്.

336 റ​ൺ​സി​ന്‍റെ കൂ​റ്റ​ൻ വി​ജ​യ​ല​ക്ഷ്യ​ത്തി​ലേ​ക്കു ബാ​റ്റു വീ​ശി​യ പാ​ക്കി​സ്ഥാ​ന് ഒ​രു ഘ​ട്ട​ത്തി​ൽ​പോ​ലും ഇ​ന്ത്യ​യെ ഭ​യ​പ്പെ​ടു​ത്താ​നാ​യി​ല്ല. ര​ണ്ടാം വി​ക്ക​റ്റി​ൽ ഫ​ഖ​ർ സ​ൽ​മാ​ന്‍റെ​യും (62) ബാ​ബ​ർ അ​സ​മി​ന്‍റെ​യും (48) ചെ​റു​ത്തു​നി​ൽ​പ്പ് മാ​ത്ര​മാ​ണ് ഇ​തി​ന് അ​പ​വാ​ദ​മാ​യ​ത്. തു​ട​ക്ക​ത്തി​ലെ ഇ​മാം ഉ​ൾ ഹ​ഖി​നെ (7) ന​ഷ്ട​മാ​യ പാ​ക്കി​സ്ഥാ​നെ ഇ​രു​വ​രും ചേ​ർ​ന്ന് മു​ന്നോ​ട്ടു ന​യി​ച്ചു. ഈ ​കൂ​ട്ടു​കെ​ട്ട് (104) സെ​ഞ്ചു​റി തി​ക​ച്ച് മു​ന്നേ​റി​യ​പ്പോ​ൾ ചൈ​നാ​മാ​ൻ കു​ൽ​ദീ​പ് യാ​ദ​വ് ഇ​ന്ത്യ കാ​ത്തി​രു​ന്ന ബ്രേ​ക്ക് ന​ൽ​കി.

ബാ​ബ​ർ അ​സ​മി​നെ ബൗ​ൾ​ഡാ​ക്കി​യ കു​ൽ​ദീ​പ് തൊ​ട്ട​ടു​ത്ത ഓ​വ​റി​ൽ ഫ​ഖ​ർ സ​ൽ​മാ​യും മ​ട​ക്കി. ഇ​തോ​ടെ പ​ത​റി​യ പാ​ക്കി​സ്ഥാ​ന് പി​ന്നീ​ട് ക​ര​ക‍​യ​റാ​ൻ സാ​ധി​ച്ചി​ല്ല. മു​ഹ​മ്മ​ദ് ഹാ​ഫീ​സി​നെ​യും (9) മാ​ലി​ക്കി​നെ​യും (0) അ​ടു​ത്ത​ടു​ത്ത പ​ന്തി​ൽ പു​റ​ത്താ​ക്കി പാ​ണ്ഡ്യ ഇ​ന്ത്യ​ൻ വി​ജ​യം ഉ​റ​പ്പി​ച്ചു. ക്യാ​പ്റ്റ​ൻ സ​ർ​ഫ​റാ​സ് അ​ഹ​മ്മ​ദി​നെ (12) വി​ജ​യ് ശ​ങ്ക​റും മ​ട​ക്കി. ലോ​ക​ക​പ്പി​ൽ ആ​ദ്യ പ​ന്തി​ൽ ത​ന്നെ വി​ക്ക​റ്റെ​ടു​ക്കു​ന്ന ആ​ദ്യ താ​ര​മെ​ന്ന റി​ക്കാ​ർ​ഡും ഇ​തി​നി​ടെ വി​ജ​യ് ശ​ങ്ക​ർ സ്വ​ന്ത​മാ​ക്കി​യി​രു​ന്നു. പ​രി​ക്കേ​റ്റ ഭു​വ​നേ​ശ്വ​ർ കു​മാ​റി​നു പ​ക​ര​ക്കാ​ര​നാ​യി അ​ഞ്ചാം ഓ​വ​ർ എ​റി​യാ​നെ​ത്തി​യ വി​ജ​യ് ശ​ങ്ക​ർ ഇ​മാം ഉ​ൾ ഹ​ഖി​നെ പു​റ​ത്താ​ക്കി​യാ​ണ് ച​രി​ത്രം സൃ​ഷ്ടി​ച്ച​ത്. ഇ​മാം വാ​സി​മും (46) ഷ​ബാ​ദ് ഖാ​നും (20) പു​റ​ത്താ​കാ​തെ നി​ന്നു.

നേ​ര​ത്തെ രോ​ഹി​ത് ശ​ർ​മ​യു​ടെ കി​ടി​ലോ​ൽ​ക്കി​ട​ലം സെ​ഞ്ചു​റി​യു​ടെ ബ​ല​ത്തി​ലാ​ണ് ഇ​ന്ത്യ 337 റ​ൺ​സി​ന്‍റെ വി​ജ​യ​ല​ക്ഷ്യം തീ​ർ​ത്ത​ത്. ഈ ​ലോ​ക​ക​പ്പി​ലെ ര​ണ്ടാം സെ​ഞ്ചു​റി നേ​ടി​യ വൈ​സ് ക്യാ​പ്റ്റ​ൻ രോ​ഹി​തി​ന്‍റെ​യും (140) അ​ർ​ധ സെ​ഞ്ചു​റി നേ​ടി​യ ക്യാ​പ്റ്റ​ൻ വി​രാ​ട് കോ​ഹ്‌​ലി​യു​ടെ (77) മി​ക​വി​ൽ ഇ​ന്ത്യ നി​ശ്ചി​ത 50 ഓ​വ​റി​ൽ അ​ഞ്ച് വി​ക്ക​റ്റ് ന​ഷ്ട​പ്പെ​ടു​ത്തി​യാ​ണ് 336 റ​ൺ​സ് സ്വ​ന്ത​മാ​ക്കി​യ​ത്.

ഓ​പ്പ​ണിം​ഗ് വി​ക്ക​റ്റി​ലും (136) ര​ണ്ടാം വി​ക്ക​റ്റി​ലും (98) മൂ​ന്നാം വി​ക്ക​റ്റി​ലും (51) മി​ക​ച്ച പ്ര​ക​ട​നം ന​ട​ത്തി​യ ഇ​ന്ത്യ അ​വ​സാ​ന ഓ​വ​റു​ക​ളി​ൽ നി​രാ​ശ​പ്പെ​ടു​ത്തി. എം.​എ​സ് ധോ​ണി​യേ​യും (0) ഹാ​ർ​ദി​ക് പാ​ണ്ഡ്യ​യേ​യും (26) കോ​ഹ്‌​ലി​യേ​യും പു​റ​ത്താ​ക്കി​യ പാ​ക് പേ​സ​ർ മു​ഹ​മ്മ​ദ് ആ​മീ​റാ​ണ് ഇ​ന്ത്യ​യെ വ​രി​ഞ്ഞു മു​റു​ക്കി​യ​ത്. കൂ​റ്റ​ൻ അ​ടി​യി​ലൂ​ടെ റ​ൺ നി​ര​ക്ക് ഉ​യ​ർ​ത്തു​മെ​ന്നു പ്ര​തീ​ക്ഷി​ച്ച വി​ജ​യ് ശ​ങ്ക​റും (15 പ​ന്തി​ൽ 15*) കേ​ദാ​ർ ജാ​ദ​വും (എ​ട്ട് പ​ന്തി​ൽ 9*) നി​രാ​ശ​പ്പെ​ടു​ത്തി​യ​തോ​ടെ ഇ​ന്ത്യ​ക്ക് അ​ർ​ഹി​ച്ച 20 റ​ൺ​സ് എ​ങ്കി​ലും ന​ഷ്ട​മാ​യി. ഇ​രു​വ​രു​ടേ​യും തു​ഴ​ച്ചി​ൽ സ്കോ​ർ 350 ക​ട​ക്കു​മെ​ന്ന പ്ര​തീ​ക്ഷ​ക​ളെ അ​സ്ഥാ​ന​ത്താ​ക്കി.

113 പ​ന്ത് നേ​രി​ട്ട രോ​ഹി​തി​ന്‍റെ ബാ​റ്റി​ൽ​നി​ന്നും 14 ഫോ​റും മൂ​ന്നു സി​ക്സ​റു​ക​ളും പി​റ​ന്നു. മെ​ല്ലെ തു​ട​ങ്ങി ക​ത്തി​ക്ക​യ​റു​ക​യാ​യി​രു​ന്നു രോ​ഹി​ത്. 78 പ​ന്തി​ൽ മൂ​ന്നു ഫോ​റും ര​ണ്ട് സി​ക്സ​റു​ക​ളും അ​ട​ങ്ങു​ന്ന​താ​യി​രു​ന്നു രാ​ഹു​ലി​ന്‍റെ ഇ​ന്നിം​ഗ്സ്. വ​ഹാ​ബ് റി​യാ​സി​ന്‍റെ പ​ന്തി​ൽ ബാ​ബ​ർ അ​സം പി​ടി​ച്ചാ​ണ് രാ​ഹു​ൽ പു​റ​ത്താ​യ​ത്. ഹ​സ​ൻ അ​ലി​ക്ക് വി​ക്ക​റ്റ് ന​ൽ​കി​യാ​ണ് രോ​ഹി​ത് മ​ട​ങ്ങി​യ​ത്.

ജ​യ​ത്തോ​ടെ നാ​ല് ക​ളി​ക​ളി​ൽ ഏ​ഴു പോ​യി​ന്‍റു​മാ​യി ഇ​ന്ത്യ മൂ​ന്നാം സ്ഥാ​ന​ത്താ​യി. അ​ഞ്ച് ക​ളി​ക​ളി​ൽ എ​ട്ട് പോ​യി​ന്‍റു​ള്ള ഓ​സ്ട്രേ​ലി​യ​യാ​ണ് ഒ​ന്നാ​മ​ത്. ഏ​ഴു പോ​യി​ന്‍റു​ള്ള ന്യൂ​സി​ല​ൻ​ഡ് ര​ണ്ടാം സ്ഥാ​ന​ത്തും. ലോ​ക​ക​പ്പി​ൽ പാ​ക്കി​സ്ഥാ​നെ​തി​രെ ഇ​ന്ത്യ​യു​ടെ തു​ട​ർ​ച്ച​യാ​യ ഏ​ഴാം വി​ജ​യ​മാ​യി​രു​ന്നി​ത്. ഈ ​ലോ​ക​ക​പ്പി​ൽ തു​ട​ർ​ച്ച​യാ​യ മൂ​ന്നാം ജ​യ​വും.