കോട്ടയം മെഡിക്കൽ കോളേജ് ആശുപത്രിയിലെത്തിച്ച ശേഷം ചികിത്സ കിട്ടാതെ രോഗി മരിച്ചെന്ന പരാതി. ഇടുക്കി സ്വരാജ് സ്വദേശി ജേക്കബ് തോമസ് ആണ് ചികിത്സാ നിഷേധത്തേത്തുടര്‍ന്ന് മരിച്ചതായി പരാതി ഉയര്‍ന്നിരിയ്ക്കുന്നത്. ഉച്ചയ്ക്ക് 2 മണിയ്ക്ക് ആശുപത്രിയിലെത്തിച്ച രോഗിയ്ക്ക് അധികൃതര്‍ ചികിത്സ നല്‍കിയില്ലെന്നാണ് ആരോപണം.
മെഡിക്കല്‍ കോളേജില്‍ നിന്ന് ഡോക്ടര്‍മാര്‍ കയ്യൊഴിഞ്ഞതിനേത്തുടര്‍ന്ന് സമീപത്തെ രണ്ടു സ്വകാര്യ ആശുപത്രികളിലേക്കും കൊണ്ടുപോയെങ്കിലും അവരും ഏറ്റെടുത്തില്ല.പിന്നീട് വീണ്ടു മെഡിക്കല്‍ കോളേജില്‍ എത്തിച്ചെങ്കിലും ഡോക്ടര്‍മാര്‍ ഏറ്റെടുത്തില്ല.തുടര്‍ന്ന് ആംബുലന്‍സില്‍ മരിയ്ക്കുകയായിരുന്നു.
പനിയും ശ്വാസതടസവും ബാധിച്ച ജേക്കബ് കട്ടപ്പനയിലെ സ്വകാര്യ ആശുപത്രിയില്‍ ചികിത്സയിലായിരുന്നു. രോഗം മൂര്‍ഛിച്ചതോടെ കോട്ടയത്തേക്ക് കൊണ്ടുപോരുകയായിരുന്നു
