ലഹരി ഉപയോഗിക്കാത്ത നിങ്ങളുടെ ബാഗില്‍ നിന്നോ വാഹനത്തില്‍ നിന്നോ എക്‌സൈസ് ഉദ്യോഗസ്ഥര്‍ എല്‍എസ്ഡി സ്റ്റാംപുകള്‍ കണ്ടെടുക്കുന്നു. ലഹരിയുമായി ഒരു ബന്ധവുമില്ലെന്ന് കരഞ്ഞ് പറഞ്ഞിട്ടും നിങ്ങള്‍ക്കെതിരെ ഗുരുതര വകുപ്പുകള്‍ ചേര്‍ത്ത് കേസെടുത്ത് 72 ദിവസം ജയിലില്‍ അടയ്ക്കുന്നു. പത്ര-ദൃശ്യ മാധ്യമങ്ങള്‍ സംഭവത്തിന്റെ ചിത്രങ്ങളും ദൃശ്യങ്ങളും ഉള്‍പ്പെടെ ഈ വാര്‍ത്ത ഒരു ആഘോഷമാക്കുന്നു. ഇത്രയും സംഭവിക്കുന്നത് ഒരു സ്ത്രീയ്ക്കാണെങ്കിലോ? അതും സംരംഭകയായ ഒരു സ്ത്രീയ്ക്ക്.

ജയില്‍വാസം അനുഭവിക്കുന്ന കാലത്ത് തന്നെ എക്‌സൈസ് പിടിച്ചെടുത്ത എല്‍എസ്ഡി സ്റ്റാംപ് എന്ന മാരക ലഹരി മരുന്ന് വ്യാജമാണെന്ന് രാസപരിശോധനയില്‍ തെളിയുന്നു. എന്നാല്‍ എക്‌സൈസ് ഉദ്യോഗസ്ഥര്‍ തങ്ങള്‍ക്ക് പറ്റിയ തെറ്റ് മറച്ചുവയ്ക്കാന്‍ പരിശോധന ഫലം പുറത്ത് വിടുന്നില്ല. എന്താല്ലേ?

ഇതൊരു കഥയല്ല. തൃശൂരില്‍ ബ്യൂട്ടി പാര്‍ലര്‍ ഉടമയായിരുന്ന ഷീല സണ്ണി എന്ന സ്ത്രീയുടെ ജീവിതം മാറ്റി മറിച്ച ദിവസങ്ങളുടെ ചരിത്രമാണ്. 2023 ഫെബ്രുവരി 27ന് ഇരിങ്ങാലക്കുട എക്‌സൈസ് ഓഫീസില്‍ ഇന്റര്‍നെറ്റ് കോളിലൂടെ ഒരു വിവരമെത്തുന്നു. ഇരിങ്ങാലക്കുടയില്‍ പ്രവര്‍ത്തിക്കുന്ന ഷീ സ്റ്റൈല്‍ ബ്യൂട്ടി പാര്‍ലര്‍ ഉടമ ഷീല സണ്ണി ബ്യൂട്ടി പാര്‍ലറിന്റെ മറവില്‍ രാസ ലഹരി വില്‍പ്പന നടത്തുന്നു. വൈകുന്നേരം പരിശോധന നടത്തിയാല്‍ ഇവരെ പിടികൂടാനാകും. അവരുടെ ബാഗിലോ വാഹനത്തിലോ പരിശോധിച്ചാല്‍ ലഹരി വസ്തുക്കള്‍ കണ്ടെത്താനാകും.

https://googleads.g.doubleclick.net/pagead/ads?gdpr=0&us_privacy=1—&gpp_sid=-1&client=ca-pub-2362747004890274&output=html&h=345&adk=2348002399&adf=3302452135&pi=t.aa~a.3223104886~i.10~rp.4&w=414&lmt=1707360207&num_ads=1&rafmt=1&armr=3&sem=mc&pwprc=3981651574&ad_type=text_image&format=414×345&url=https%3A%2F%2Fwww.southlive.in%2Fnewsroom%2Fkerala%2Ffake-lsd-case-the-mastermind-behind-sheila-sunny-s-life-changing-crime&fwr=1&pra=3&rh=312&rw=374&rpe=1&resp_fmts=3&sfro=1&wgl=1&fa=27&dt=1707360207411&bpp=3&bdt=1445&idt=-M&shv=r20240201&mjsv=m202401310101&ptt=9&saldr=aa&abxe=1&cookie=ID%3Dfc58e32a5bceddaf-2248c4c5dee30026%3AT%3D1694923762%3ART%3D1707360087%3AS%3DALNI_MaV4jfzVomDA1GGVwgIeiTCKcx-kw&gpic=UID%3D00000c48b95baa8f%3AT%3D1694923762%3ART%3D1707360087%3AS%3DALNI_MZtnIzmwFNCjbrXhNc7cFaqwq4Hzg&eo_id_str=ID%3D935f878dc8f04476%3AT%3D1706933503%3ART%3D1707360087%3AS%3DAA-AfjZrCnaGuZy-l3EzoLnUZmX7&prev_fmts=0x0%2C414x345&nras=3&correlator=6488663739801&frm=20&pv=1&ga_vid=1884168027.1694923762&ga_sid=1707360207&ga_hid=1014130651&ga_fc=1&u_tz=330&u_his=2&u_h=896&u_w=414&u_ah=896&u_aw=414&u_cd=24&u_sd=3&adx=0&ady=1995&biw=414&bih=852&scr_x=0&scr_y=405&eid=44759875%2C44759926%2C44759837%2C44808397%2C44795921%2C44809003%2C44809531%2C95322746%2C31080872%2C95322181%2C95324154%2C95324161&oid=2&pvsid=4054749237555755&tmod=1805737491&uas=3&nvt=1&ref=https%3A%2F%2Fwww.southlive.in%2F%3F_gl%3D1*7f2xcf*_ga*OG9mQ1pQaGxGVEJkekNTUlZaaE5pS1FMbkVmcEN3MlZkelZIVlBLQmJzU3lYazVwSUZkZGwxOTNieEJtbkxNNg..&fc=1408&brdim=0%2C0%2C0%2C0%2C414%2C0%2C414%2C852%2C414%2C852&vis=1&rsz=%7C%7Cs%7C&abl=NS&fu=128&bc=31&bz=1&ifi=3&uci=a!3&btvi=1&fsb=1&dtd=7

കര്‍മ്മനിരതനായ എക്‌സൈസ് ഇന്‍സ്‌പെക്ടര്‍ കെ സതീശനും സംഘവും രണ്ടാമതൊന്ന് ചിന്തിക്കാന്‍ നിന്നില്ല. ഷീല സണ്ണിയെ പിടികൂടുന്നു. തുടര്‍ന്ന് നടത്തിയ പരിശോധനയില്‍ എല്‍എസ്ഡി സ്റ്റാംപുകള്‍ കണ്ടെടുക്കുന്നു.

രാസലഹരിയുമായി പിടികൂടിയ സ്ത്രീയ്ക്ക് എത്രത്തോളം വാര്‍ത്താ പ്രാധാന്യമുണ്ടെന്ന് എക്‌സൈസിന് വ്യക്തമായ ധാരണയുണ്ടായിരുന്നു. അതുകൊണ്ടുതന്നെ എക്‌സൈസ് സംഘത്തിന്റെ കണ്ണുകളില്‍ ഷീലയുടെ കണ്ണീരിന് സ്ഥാനമുണ്ടായിരുന്നില്ല. പ്രതിയെ കുറിച്ച് കൂടുതല്‍ അന്വേഷിക്കാനോ, ഇവരിലേക്ക് ലഹരിയെത്തിയ ഉറവിടം അന്വേഷിക്കാനോ എക്‌സൈസിന് താത്പര്യവും തോന്നിയില്ല.

രാസലഹരി വ്യാപാരം നടത്തുന്ന ഒരു സ്ത്രീയും രക്ഷപ്പെടരുതെന്ന കെ സതീശന്റെയും കൂട്ടരുടെയും നിശ്ചയദാര്‍ഢ്യം അന്ന് വൈകുന്നേരം തന്നെ വാര്‍ത്താ കുറിപ്പും പുറത്തിറക്കി. ഷീല സണ്ണിയെ കേസ് ചാര്‍ജ്ജ് ചെയ്ത് റിമാന്‍ഡ് ചെയ്യുമ്പോഴേക്കും കേരളത്തിലെ മുഖ്യധാര മാധ്യമങ്ങളിലെല്ലാം തന്നെ ഈ വീട്ടമ്മയുടെ ചിത്രങ്ങളും ദൃശ്യങ്ങളും ഉള്‍പ്പെടെ വാര്‍ത്തയും പുറത്ത് വന്നിരുന്നു.

ചെയ്യാത്ത ഒരു തെറ്റിന് അതും രാസ ലഹരി കച്ചവടത്തിന്റെ പേരില്‍ ജയിലില്‍ അടയ്ക്കപ്പെട്ട ഒരു സ്ത്രീയുടെ അല്ലെങ്കില്‍ ഒരു നിരപരാധിയുടെ ജയില്‍ ദിനങ്ങള്‍ വിവരണാതീതമാണ്. സൗഹൃദത്തോടെയും സ്‌നേഹത്തോടെയും പെരുമാറിയ വേണ്ടപ്പെട്ടവരെല്ലാം ഒറ്റപ്പെടുത്തിയ ദിനങ്ങള്‍. വേദനയുടെയും ചതിയുടെയും ഇരുള്‍മൂടിയ 72 ദിനങ്ങള്‍ ഷീല സണ്ണിയ്ക്ക് ഇരുമ്പഴിക്കുള്ളില്‍ തള്ളിനീക്കേണ്ടി വന്നു.