വാ​ഷി​ങ്ട​ൺ: ലോ​ക​ത്തെ ഏ​റ്റ​വും വ​ലി​യ ര​ണ്ട് പ​രി​സ്ഥി​തി​മ​ലി​നീ​ക​ര​ണ ശ​ക്തി​ക​ൾ ഒ​ന്നി​ച്ച് ബ​ദ​ൽ ഊ​ർ​ജ ഉ​ൽ​പാ​ദ​നം ശ​ക്തി​പ്പെ​ടു​ത്താ​ൻ ക​രാ​ർ. കാ​റ്റ്, സോ​ളാ​ർ എ​ന്നി​വ​ക്കു പു​റ​മെ മ​റ്റ് പു​ന​രു​ൽ​പാ​ദ​ക സ്രോ​ത​സ്സു​ക​ളി​ൽ​നി​ന്നും ബ​ദ​ൽ ഊ​ർ​ജം വി​ക​സി​പ്പി​ച്ച് ഫോ​സി​ൽ ഇ​ന്ധ​ന​ങ്ങ​ൾ സൃ​ഷ്ടി​ക്കു​ന്ന പ​രി​സ്ഥി​തി മ​ലി​നീ​ക​ര​ണം ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന് ക​രാ​റി​ൽ പ​റ​യു​ന്നു.

യു.​എ​സ് ന​ഗ​ര​മാ​യ ​സാ​ൻ​ഫ്രാ​ൻ​സി​സ്കോ​യി​ൽ ജോ ​ബൈ​ഡ​ൻ- ഷി ​ജി​ൻ​പി​ങ് ഉ​ച്ച​കോ​ടി​ക്ക് മു​ന്നോ​ടി​യാ​യാ​ണ് പ​രി​സ്ഥി​തി സം​ര​ക്ഷ​ണ​ത്തി​ന് പു​ന​രു​ൽ​പാ​ദ​ക ഊ​ർ​ജ​ധാ​ര​ണ. 2030 ആ​കു​മ്പോ​ഴേ​ക്ക് ബ​ദ​ൽ ഊ​ർ​ജ ഉ​ൽ​പാ​ദ​നം മൂ​ന്നി​ര​ട്ടി​യാ​യി വ​ർ​ധി​പ്പി​ക്കു​മെ​ന്ന് ക​രാ​ർ ഉ​റ​പ്പു​ന​ൽ​കു​ന്നു. പ​രി​സ്ഥി​തി​പ്ര​തി​സ​ന്ധി ലോ​കം മു​ഴു​ക്കെ രാ​ജ്യ​ങ്ങ​ളെ ബാ​ധി​ച്ച​താ​യി തി​രി​ച്ച​റി​യു​ന്നു​വെ​ന്ന് വ്യ​ക്ത​മാ​ക്കി​യാ​ണ് ന​ട​പ​ടി​ക​ൾ മു​ന്നോ​ട്ടു​വെ​ക്കു​ന്ന​ത്.

കാ​ർ​ബ​ൺ ഡൈ ​ഓ​ക്സൈ​ഡി​ന് പു​റ​മെ മീ​​ഥേ​ൻ, നൈ​ട്ര​സ് ഓ​ക്സൈ​ഡ് തു​ട​ങ്ങി​യ അ​പ​ക​ട​ക​ര​മാ​യ വാ​ത​ക​ങ്ങ​ളും പു​റ​ന്ത​ള്ളു​ന്ന​ത് കു​റ​ക്കു​മെ​ന്ന് ക​രാ​ർ മു​ന്നോ​ട്ടു​വെ​ക്കു​ന്നു. ആ​ദ്യ​മാ​യാ​ണ് കാ​ർ​ബ​ൺ വി​കി​ര​ണം കു​റ​ക്കാ​നു​ള്ള ക​രാ​റി​ൽ ചൈ​ന ഭാ​ഗ​മാ​കു​ന്ന​ത്. ഏ​റ്റ​വും വ​ലി​യ പ​രി​സ്ഥി​തി മ​ലി​നീ​ക​ര​ണ വ​സ്തു​വാ​യ ക​ൽ​ക്ക​രി ഉ​പ​ഭോ​ഗം സം​ബ​ന്ധി​ച്ച് പ​ക്ഷേ, ക​രാ​ർ പ​രാ​മ​ർ​ശി​ക്കു​ന്നി​ല്ല.

ദു​ബൈ​യി​ൽ 200ഓ​ളം രാ​ജ്യ​ങ്ങ​ളി​ലെ പ്ര​തി​നി​ധി​ക​ൾ ‘കോ​പ്28’ യു.​എ​ൻ കാ​ലാ​വ​സ്ഥ ച​ർ​ച്ച​ക​ൾ ആ​രം​ഭി​ക്കാ​നി​രി​ക്കെ​യാ​ണ് പു​തി​യ ക​രാ​റെ​ന്ന​തും ​ശ്ര​ദ്ധേ​യം.

പ​രി​സ്ഥി​തി മ​ലി​നീ​ക​ര​ണ​ത്തി​ൽ ലോ​ക​ത്തെ ഏ​റ്റ​വും മു​ന്നി​ലു​ള്ള ശ​ക്തി​ക​ളാ​യ യു.​എ​സും ചൈ​ന​യും ചേ​ർ​ന്നാ​ണ് മൊ​ത്തം 38 ശ​ത​മാ​നം ഹ​രി​ത​ഗൃ​ഹ​വാ​ത​ക​ങ്ങ​ളും പു​റ​ന്ത​ള്ളു​ന്ന​ത്. സ്വാ​ഭാ​വി​ക​മാ​യും ഇ​വ ര​ണ്ടും ഈ ​രം​ഗ​ത്ത് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ച്ചാ​ൽ ആ​ഗോ​ള​താ​പ​നം കു​റ​ക്കാ​നാ​കു​മെ​ന്നാ​ണ് പ്ര​തീ​ക്ഷ.