വാഷിംഗ്ടൺ: ലോകബാങ്ക് പ്രസിഡന്റ് അജയ് ബംഗയുമായി അമേരിക്കൻ വെെസ് പ്രസിഡന്റ് കമല ഹാരിസ് വൈറ്റ് ഹൗസിൽ കൂടിക്കാഴ്ച നടത്തി. ബംഗ അധികാരമേറ്റതിന് ശേഷമുള്ള ആദ്യ ഔദ്യോഗിക കൂടിക്കാഴ്ചയാണിത്.
ദാരിദ്ര്യം കുറയ്ക്കുന്നതിനും സുസ്ഥിര വികസന ലക്ഷ്യങ്ങൾ കൈവരിക്കുന്നതിനായുള്ള നിക്ഷേപങ്ങൾ നടത്തുന്നതിനും നയപരിഷ്കാരങ്ങൾ പ്രോത്സാഹിപ്പിക്കുന്നതിനുമുള്ള ലോകബാങ്ക് ശ്രമങ്ങൾക്ക് സർക്കാരിന്റെ പൂർണ പിന്തുണയുണ്ടാവുമെന്ന് വൈസ് പ്രസിഡന്റ് ഉറപ്പുനൽകി.
കാലാവസ്ഥാ വ്യതിയാനം, പകർച്ചവ്യാധികൾ, സംഘർഷം തുടങ്ങിയ ആഗോള വെല്ലുവിളികളെ പ്രതിരോധിക്കാൻ ലോകബാങ്ക് നടത്തുന്ന ശ്രമങ്ങളെ കമല ഹാരിസ് പ്രശംസിച്ചു.
ലോകബാങ്കിന്റെ പ്രവർത്തനങ്ങൾ മികച്ച രീതിയൽ മുന്നോട്ട് കൊണ്ടുപോകാൻ ബംഗയ്ക്ക് കഴിയട്ടെയെന്നും വൈസ് പ്രസിഡന്റ് ആശംസിച്ചു.