ഞങ്ങള്‍ സന്തുഷ്ടരാണ് എന്ന ചിത്രത്തില്‍ ജയറാമിന്റെ നായികയായെത്തി മലയാളികളുടെ സ്വന്തം ആയി മാറിയ നടിയാണ് അഭിരാമി. മലയാളത്തിന് പുറമേ തമിഴിലും തെലുങ്കിലും കന്നഡത്തിലുമൊക്കെ താരം തിളങ്ങി. വിരലിൽ എണ്ണാവുന്ന ചിത്രങ്ങൾ മാത്രമാണ് മലയാളത്തിൽ അഭിരാമി ചെയ്തിട്ടുള്ളത് എങ്കിലും നിറഞ്ഞ സ്വകരണമായിരുന്നു താരത്തിന് ലഭിച്ചത്. ഒരു ഇടവേളക്ക് ശേഷം വീണ്ടും മലയാളത്തിലേക്ക് തിരിച്ചുവരവിന് ഒരുങ്ങുകയാണ് താരം. 

ആ സമയം നല്ല തിരക്കിലായിരുന്നു ​

കോവിഡ് സമയത്ത് കൂടുതൽ ചിത്രങ്ങൾ കണ്ടിരുന്നോ എന്ന മാധ്യമ പ്രവർത്തകൻ അലിയുടെ ചോദ്യത്തിന് മറുപടി നൽകുന്ന അഭിരാമയിയുടെ വീഡിയോ ആണ് ഇപ്പോൾ വൈറൽ ആകുന്നത്. കോവിഡ് സമയത്ത് ചിത്രങ്ങൾ കണ്ടില്ല. കാരണം ആ സമയം നല്ല തിരക്കിൽ ആയിരുന്നു. എന്തെന്നാൽ വാക്സിൻ ഒക്കെ വരുന്ന സമയം ആണ് അമേരിക്കൻ ജീവിതം മതിയാക്കി ഇന്ത്യയിലേക്ക് പാക്കപ്പ് ആകുന്നത്- അഭിരാമി പറയുന്നു 

17 വർഷം അമേരിക്കയിൽ

ഒരു പത്തുപതിനേഴ് വര്ഷം അവിടെ ആയിരുന്നു. ഞങ്ങൾ അവിടെ നിന്നും എല്ലാം വിട്ട് ഇന്ത്യയിലേക്ക് വരികയാണ്. വീട് വിറ്റ്, കാർ വിറ്റ്- എല്ലാം സെറ്റ് ചെയ്ത ശേഷം ഇന്ത്യയിലേക്ക് വരുന്നത് ആയിരുന്നു എന്റെ പ്രൈമറി ഫോക്കസ്. അപ്പോൾ സത്യത്തിൽ സിനിമ കാണാൻ എനിക്ക് സമയം കിട്ടിയില്ല. പിന്നെ ഇന്ത്യയിൽ വന്നിട്ട് എല്ലാം തുടങ്ങേണ്ടിയിരുന്നു.

മലയാളികൾ അവിടെ കുറവായിരുന്നു

പുതിയ ഒരു ലൈഫ് സ്റ്റൈൽ എന്ന് പറയാൻ ആകില്ല എങ്കിലും, ഒരുപാട് വർഷത്തെ ഒരു മാറ്റം ഉണ്ടല്ലോ, അത് വീണ്ടെടുക്കണം ആയിരുന്നു. അതെല്ലാം ആയിരുന്നു നമ്മളുടെ ഫോക്കസ് അതിന്റെ ഇടയിൽ സിനിമ കാണാൻ സത്യത്തിൽ സമയം ഉണ്ടായിരുന്നില്ല. 

ഒടിടിയിൽ വരുന്നതൊക്കെ കാണുമായിരുന്നു. അമേരിക്കയിൽ ഞാൻ താമസിച്ച സ്ഥലത്ത് മലയാളികൾ കുറവായിരുന്നു. സിനിമകൾ അതുകൊണ്ട് വരുന്നതും കുറവായിരുന്നു.

​ഒടിടി നല്ലത് തന്നെ പക്ഷേ​

ഒടിടി എന്നത് ഒരു പ്രോഗ്രെസീവ് ചേഞ്ച് ആയിട്ടാണ് ഞാൻ കാണുന്നത്. എന്നാൽ ചില സിനിമകൾ തീയേറ്ററിൽ കണ്ടാലേ പറ്റൂ. അത് കുഞ്ഞു സ്‌ക്രീനിലോ ഫോണിലോ കണ്ടുകഴിനൽ അതിന്റെ എഫെക്ട് വരത്തില്ല. ചില സിനിമകൾ, അല്ലെങ്കിൽ വെബ്‌സീരീസുകൾ തീയേറ്ററിൽ പോയി കാണേണ്ട കാര്യം ഇല്ല. അത് ആ ബഡ്‌ജറ്റിനാകും എടുക്കുന്നതും. അഭിരാമി പറഞ്ഞു.