വെസ്റ്റ് വെർജീനിയ: വെസ്റ്റ് വെർജീനിയ സ്റ്റേറ്റ് ട്രൂപ്പർ സർജന്റ് കോറി മെയ്നാർഡ് വെടിവയ്പിൽ കൊല്ലപ്പെട്ടു. പ്രതിയെന്ന് സംശയിക്കുന്ന ബീച്ച് ക്രീക്കിലെ തിമോത്തി കെന്നഡിയെ (29) പോലീസ് അറസ്റ്റ് ചെയ്തു.
മിംഗോ കൗണ്ടിയിലെ ബീച്ച് ക്രീക്ക് പ്രദേശത്താണ് വെടിവയ്പ്പ് നടന്നത്. ഒരു അജ്ഞാതൻ തോക്കുമായി നിൽക്കുന്നു എന്ന വിവരം ലഭിച്ചതിനെ തുടർന്നാണ് മെയ്നാർഡും സംഘവും സ്ഥലത്തെത്തിയത്.
അക്രമിയെ അറസ്റ്റ് ചെയ്ത് നീക്കാൻ ശ്രമിച്ചപ്പോൾ ഇയാൾ വെടിയുതിർക്കുകയായിരുന്നുവെന്നു പോലീസ് അറിയിച്ചു. മെയ്നാർഡിനെ ഉടൻ തന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.