റിയാദ്: കേരളത്തില് നിന്നുള്ള ഹജ്ജ് തീർഥാടക മക്കയിൽ കുഴഞ്ഞുവീണ് മരിച്ചു. മലപ്പുറം തേഞ്ഞിപ്പലം നീരോൽപാലം സ്വദേശി കുപ്പാട്ടിൽ സാജിദ(64) ആണ് മരിച്ചത്.
ബുധനാഴ്ചയാണ് ഇവർ ഹജ്ജിനായി ബന്ധുക്കളോടൊപ്പം മക്കയിലെത്തിയത്. ഉംറ നിർവഹിച്ച് വ്യാഴാഴ്ച വൈകുന്നേരം ഹറമിലെത്തിയപ്പോൾ കുഴഞ്ഞുവീഴുകയായിരുന്നു.
മൃതദേഹം മക്ക അൽനൂർ ആശുപത്രിയിൽ സൂക്ഷിച്ചിരിക്കുകയാണ്. നിയമനടപടികൾ പൂർത്തിയാക്കി മക്കയിൽ വെള്ളിയാഴ്ച ഖബറടക്കുമെന്ന് ബന്ധുക്കൾ അറിയിച്ചു.