കുവെെറ്റ്: കുവെെറ്റിൽ ഒരു മാസം മുമ്പ് കാണാതായ യുവാവിന്റെ മൃതദേഹം കണ്ടെത്തി. കുവെെറ്റ് സ്വദേശി യുവാവിനെയാണ് കാണാതെ പോയത്. ഏപ്രില്‍ പകുതി മുതല്‍ ആണ് ഇവരെ കാണാതെ പോയത്. കാണാതായ മുബാറക് അല്‍ റാഷിദിയുടെ മൃതദേഹമാണ് കഴിഞ്ഞ ദിവസം കണ്ടെത്തിയത്. കുവെെറ്റ് ആഭ്യന്തര മന്ത്രാലയം ആണ് ഇക്കാര്യം അറിയിച്ചത്.

യുവാവിനെ കാണാതായത് മുതൽ ഉപപ്രധാനമന്ത്രിയും ആഭ്യന്തര മന്ത്രിയും ആക്ടിങ് പ്രതിരോധ മന്ത്രിയുമായ ശൈഖ് തലാല്‍ അല്‍ ഖാലിദ് അല്‍ അഹ്‍മദ് അല്‍ സബാഹിന്റെ നിര്‍ദേശ പ്രകാരം രാജ്യത്ത് തെരച്ചിൽ തുടരുകയായിരുന്നു. ഒരു മാസമായി വ്യാപകമായ തെരച്ചിൽ നടന്നത്. നൂറ് കണക്കിന് ഉദ്യോഗസ്ഥർ വിവിധ വിഭാഗങ്ങളിൽ നിന്നും തെരച്ചിൽ നടത്തി. എന്നാൽ കഴിഞ്ഞ ദിവസം ആണ് ഇദ്ദേഹത്തിന്റെ മൃതദേഹം കണ്ടെത്തിയത്. അല്‍ റാഷിദിയുടെ കുടുംബത്തോട് അധികൃതർ അനുശോചനം അറിയിച്ചു.