ദുബായ്. യുഎഇയുടെ പ്രധാനമന്ത്രിയും, വൈസ് പ്രസിഡന്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ മകൾ ഷെയ്ഖ മഹ്‌റ ബിൻത് മുഹമ്മദ് ബിൻ റാഷിദ് അൽ മക്തൂമും ഷെയ്ഖ് മന ബിൻ മുഹമ്മദ് ബിൻ മന അൽ മക്തൂമും തമ്മിലുള്ള വിവാഹം കഴിഞ്ഞ ദിവസം നടന്നു. ദുബായ് വേൾഡ് ട്രേഡ് സെന്റർ സാബീൽ ഹാളിൽ വെച്ചാണ് സ്വീകരണ ചടങ്ങ് നടന്നത്. സ്വീകരണ ചടങ്ങിന്റെ വീഡിയോയും ചിത്രങ്ങളും ആണ് പുറത്തുവന്നിരിക്കുന്നത്.
വിവിധ എമിറേറ്റുകളിലെ ഭരണാധികാരികൾ ആശംകൾ അറിയിച്ച് എത്തിയിരുന്നു. ഉയർന്ന ഉദ്യോഗസ്ഥരും മന്ത്രിമാരും എല്ലാവരും പരിപാടിയിൽ പങ്കെടുക്കാൻ വേണ്ടി എത്തിയിരുന്നു. ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം, ദുബായിലെ രണ്ടാം ഡെപ്യൂട്ടി ഭരണാധികാരി ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂം, ദുബായിലെ ആദ്യ ഉപഭരണാധികാരിയും ഉപപ്രധാനമന്ത്രിയും ധനകാര്യ മന്ത്രിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂം, ദുബായ് സിവിൽ ഏവിയേഷൻ അതോറിറ്റി പ്രസിഡന്റ് എമിറേറ്റ്സ് എയർലൈൻ ആന്റ് ഗ്രൂപ്പിന്റെ ചെയർമാനും ചീഫ് എക്‌സിക്യൂട്ടീവുമായ, ദുബായ് എയർപോർട്ട്സ് ചെയർമാനും ആയ ഷെയ്ഖ് അഹമ്മദ് ബിൻ സയീദ് അൽ മക്തൂം, ദുബായ് സ്പോർടസ് കൗൺസിൽ ചെയർമാൻ ഷെയ്ഖ് മൻസൂർ ബിൻ മുഹമ്മദ് ബിൻ റാഷിദ് അൽ മകതൂം, ഷെയ്ഖ് മുഹമ്മദ് ബിൻ റാഷിദ് ബിൻ മുഹമ്മദ് ബിൻ റാഷിദ് അൽ മക്തൂം എന്നിവർ വരനെ സ്വീകരിക്കാൻ മുന്നിൽ തന്നെയുണ്ടായിരുന്നു.
ഷെയ്ഖ് മുഹമ്മദ് ബിൻ റാഷിദ് ബിൻ മന അൽ മക്തൂമിന്റെ പുത്രനാണ് ഷെയ്ഖ് മന. ദുബായിൽ ബിസിനസുക്കാരൻ ആണ്. ദുബായിലെ ഒട്ടേറെ സംരംഭങ്ങളിൽ ഷെയ്ഖ് മന പ്രവർത്തിക്കുന്നുണ്ട്. യുഎഇ ആംഡ് ഫോഴ്‌സ്-നാഷനൽ സർവീസിൽ ഒരു വർഷം അദ്ദേഹം പ്രവർത്തിച്ചിട്ടുണ്ട്. അമേരിക്കൻ യൂണിവേഴ്‌സിറ്റിയിൽ നിന്ന് സെക്യൂരിറ്റി ആൻഡ് റിസ്‌ക് മാനേജ്‌മെന്റിൽ അദ്ദേഹം ബിരുദം കരസ്ഥമാക്കിയത്. കുതിരസവാരികളോട് ഏറ്രവും പ്രിയമുള്ള വ്യക്തിയാണ് ഇദ്ദേഹം.
വിവാഹത്തിന് വരൻ വരുന്നതും, അവരെ സ്വീകരിക്കുന്നതും എല്ലാം ഉൾപ്പെടുത്തി വീഡിയോ പുറത്തു വന്നിട്ടുണ്ട്. രാജാവ് ഇവരെ സ്വീകരിക്കുന്നതിന്റെ ചിത്രങ്ങൾ സോഷ്യൽ മീഡിയയിൽ വെെറലാണ്. പാട്ടും നൃത്തവും എല്ലാം വീഡിയോയിൽ കാണാം. സ്കീയിങ് വളരെ ഇഷ്ടപ്പെടുന്ന വ്യക്തയാണ് വരൻ ഷെയ്ഖ് മന. അദ്ദേഹം തന്നെ അതിന്റെ ചിത്രങ്ങൽ സോഷ്യൽ മീഡിയയിൽ പങ്കുവെച്ചിട്ടുണ്ട്. ഷെയ്ഖ മഹ്റയും വലിയ കുതിര പ്രേമിയാണ്. വിവാഹത്തോടനുബന്ധിച്ച് വരന്റെ പിതാവ് എഴുതിയ കവിത പുറത്തു വിട്ടിരുന്നു. അങ്ങനെയാണ് ഇവരുടെ വിവാഹ വാർത്ത പുറത്തു വന്നത്. എന്നാൽ കഴിഞ്ഞ ദിവസം വലിയ ആഘോഷത്തോടെ വിവാഹം നടന്നതിന്റെ വീഡിയോയും, ചിത്രങ്ങളും ആണ് പുറത്തുവരുന്നത്.
