പാകിസ്ഥാൻ മുൻ പ്രധാനമന്ത്രി ഇമ്രാൻ ഖാന് വീണ്ടും തിരിച്ചടി. മുതിർന്ന രാഷ്ട്രീയക്കാരനും മുൻ ഫെഡറൽ മന്ത്രിയുമായ ഫവാദ് ചൗധരി ബുധനാഴ്ച പാർട്ടിയിൽ നിന്ന് രാജിവച്ചു. രാഷ്ട്രീയത്തിൽ നിന്നും താൻ ഇടവേളയെടുക്കുന്നുവെന്ന് പറഞ്ഞാണ് രാജി.
ഇമ്രാൻ ഖാന്റെ അറസ്റ്റിനെത്തുടർന്ന് മെയ് 9 ന് രാജ്യത്തുടനീളം വലിയ രീതിയിലെ സംഘർഷമാണ് ഉടലെടുത്തത്. നഗരത്തിൽ നടന്ന നശീകരണത്തിനും അക്രമാസക്തമായ പ്രതിഷേധത്തിനും ശേഷം പിടിഐ വിടുന്നതായി പ്രഖ്യാപിച്ച നിരവധി നേതാക്കൾ എത്തിയിരുന്നു. പിന്നാലെയാണ് ഫവാദിന്റെ രാജി.
