കൊടുങ്ങല്ലൂർ: അഴീക്കോട് ജെട്ടിയിൽ നിർത്തിയിട്ടിരുന്ന വള്ളത്തിൽ കിടന്നുറവേ വെള്ളത്തിൽ വീണ മത്സ്യത്തൊഴിലാളിയുടെ മൃതദേഹം കണ്ടെത്തി. ആലപ്പുഴ ആറാട്ടുപുഴ സ്വദേശി രാജേഷ് (40) ആണ് മരിച്ചത്.
ഇന്ന് പുലർച്ചയാണ് അപകടം നടന്നത്. ദ്വാരകാപതി എന്ന വള്ളത്തിലെ തൊഴിലാളിയായ രാജേഷ് ഉറക്കത്തിനിടെ വെള്ളത്തിലേക്ക് വീണെന്നാണ് നിഗമനം.
തീരദേശ പോലീസ്, ഫിഷറീസ് വകുപ്പ്, അഗ്നിരക്ഷാസേന, മത്സ്യത്തൊഴിലാളികൾ എന്നിവർ ചേർന്ന് നടത്തിയ തെരച്ചിലിനൊടുവിൽ പടന്ന മേഖലയ്ക്ക് സമീപത്ത് നിന്നാണ് മൃതദേഹം കണ്ടെത്തിയത്.