നാലാം തീയതി എന്ന ഒരു ദിവസം ആണ് ഞാൻ മനസിലാക്കുന്നത് എന്നെ സ്നേഹിക്കാൻ ഒരുപാട് ആളുകൾ ഉണ്ടെന്ന് – ചിരിച്ചുകൊണ്ട് ബാല പറയുന്നു. ഒരുപക്ഷേ ദൈവം അത്ഭുതം പ്രവർത്തിച്ചില്ലായിരുന്നു എങ്കിൽ ഞാൻ ഇന്നിങ്ങനെ നിൽക്കില്ലായിരുന്നുവെന്നും നടൻ പറഞ്ഞു. ” ഞാൻ ഏതാണ്ട് കഴിഞ്ഞു എന്ന് കരുതിയതാണ്. അത്ഭുതം കൊണ്ടാണ് ഞാൻ തിരികെ വന്നത്. ഒരുപാട് ക്രൈസിസ് നേരിടേണ്ടി വന്നു, പക്ഷെ അപ്പോഴും ഞാൻ ചിരിച്ചു കൊണ്ടിരിക്കുകയായിരുന്നു. എനിക്ക് അറിയാം കാര്യങ്ങൾ ഞാൻ വിധി അക്സെപ്റ്റ് ചെയ്യാൻ റെഡിയും ആയിരുന്നു. ഇതിന്റെ ഇടയിൽ ഒരുപാട് വ്യാജ വാർത്തകൾ വന്നിരുന്നു. അതൊന്നും ഞാൻ മൈൻഡ് ചെയ്തില്ല”, ബാല പറഞ്ഞു തുടങ്ങുന്നു.
എങ്ങനെ ഇത്ര വേഗം തിരിച്ചെത്തി
ദൈവം തിരിച്ചുകൊണ്ടുവന്നു. രണ്ടുമൂന്നു പടങ്ങൾ സൈൻ ചെയ്തു കഴിഞ്ഞു അടുത്ത മാസം ഷൂട്ടിങ് തുടങ്ങും. നമ്മുടെ ശരീരത്തിലെ ഏറ്റവും വലിയ അവയവം ആണ് ട്രാൻസ്‌പ്ലാന്റ് ചെയ്തത്. ആറുമാസം എടുക്കും റിക്കവർ ആകാൻ. പക്ഷേ ഞാൻ നാൽപ്പതു ദിവസം കൊണ്ട് റിക്കവർ ആയി. ഡോക്ടർ തന്നെ ഇക്കാര്യം പറഞ്ഞു. നിങ്ങൾ എന്ത് ചെയ്തിട്ടാണ് ഇത്ര വേഗം റിക്കവർ ആയത് എന്ന്, എനിക്ക് അറിയില്ല ഞാൻ കുറെ പാല് കുടിച്ചു എന്നാണ് പറഞ്ഞത്- ബാല ബിഹൈൻഡ് വുഡ്സിനു നൽകിയ അഭിമുഖത്തിൽ പറയുന്നു.
ദൈവം അത്ഭുതം പ്രവർത്തിച്ചു
ഞാൻ ഇപ്പോഴും വിശ്വസിക്കുന്നു ദൈവം ആണ് എന്നെ ഇവിടെ വരെ എത്തിച്ചതെന്ന്. ഒരിക്കൽ പോലും എന്റെ വിഷമങ്ങളിൽ ദൈവത്തെ ഞാൻ കുറ്റപെടുത്തിയില്ല. നമ്മൾക്ക് ഒരു അനുഭവം വന്നാൽ നമ്മൾ കാണുന്ന കാഴ്ച തന്നെ മാറിപ്പോകും. ഓരോരുത്തരോട് സംസാരിക്കുന്ന രീതിയും ചിന്താഗതിയും മാറിപ്പോകും. എനിക്ക് വരുന്ന പല മെസേജുകളിലും ഞാൻ ഡ്രഗ്സ് യൂസ് ചെയ്യരുത് എന്നാണ് സൂചിപ്പിക്കുന്നത്. ഞാൻ അതിനു റിപ്ലൈ കൊടുത്തിട്ടില്ല. കാരണം എന്നെ അറിയുന്നവർക്ക് അറിയാം, അതിന്റെ സ്പെല്ലിങ് പോലും എനിക്ക് അറിയില്ല എന്ന്.
തെറ്റ് ചെയ്തെങ്കിൽ അനുഭവിക്കും
എന്തുകൊണ്ട് ഇത് ബാധിച്ചു എന്നുള്ളത് എന്റെ മനസ്സിന് വ്യക്തമായി അറിയാം. എന്റെ ഡോക്ടറിനും അതിന്റെ സത്യം അറിയാം. ഞാൻ അത് പറയുന്നില്ല, കാരണം അത് വിവാദങ്ങൾ ഉണ്ടാക്കും. ഞാൻ അത് പറഞ്ഞാൽ ഒരുപാട് ആളുകളുടെ പേരുകൾ പറയേണ്ടി വരും. ഒന്നു മാത്രം പറയാം തെറ്റ് ചെയ്തിട്ടുണ്ട് എങ്കിൽ അതും എന്നെ പോലെ ഒരാളോട് തെറ്റ് ചെയ്തെങ്കിൽ അത് അവർ അനുഭവിക്കും.എനിക്ക് കൊടുക്കാൻ ആകില്ല കാരണം ഞാൻ മനുഷ്യൻ ആണ്. ദൈവം കൊടുത്താൽ അത് ഭയാനകം ആണ്.
എല്ലാം ഡൌൺ ആയി
അത്ഭുതം ആയിട്ടാണ് ഞാൻ രക്ഷപ്പെടുന്നത്. ഞാൻ കണ്ണ് തുറന്നപ്പോൾ എന്റെ സഹോദരി ഒക്കെ വന്നിട്ടുണ്ട് എന്നെ കാണാൻ വേണ്ടി. ഞാൻ അപ്പോൾ ഓപ്പറേഷൻ കഴിഞ്ഞു എന്നൊന്നും അറിയുന്നില്ല കയ്യിലെ ട്യൂബൊക്കെ പൊട്ടിച്ചു കളഞ്ഞിട്ട് ഞാൻ പുറത്തേക്ക് പോകാൻ തുടങി. അത് പറഞ്ഞു ഇപ്പോഴും എല്ലാരും എന്നെ കളിയാക്കും. ബാല പറയുന്നു. പൊട്ടാസ്യവും സോഡിയവും ലെവൽ എല്ലാം ഡൌൺ ആയി. ഏകദേശം ഓർമ്മ ഉണ്ട് എന്ന് മാത്രം.
നില അതീവ ഗുരുതരം ആയി
ആദ്യം അഡ്മിറ്റ് ആയപ്പോൾ നില ഗുരുതരം ആയിരുന്നു. മോൾ ഒക്കെ വന്നത് അപ്പോഴാണ്. സുഹൃത്തുക്കൾ ആരൊക്കെയാണ് എന്ന് കൃത്യമായി മനസിലാക്കാൻ കഴിഞ്ഞു. ഐസൊലേറ്റഡ് ഐസിയുവിൽ വന്ന ആളുകൾ ഉണ്ട്. ഞാൻ പിണക്കം കാണിച്ചിരുന്ന ആളുകൾ ആണ് ആദ്യമേ ഓടിച്ചാടി എന്റെ അടുത്തുവന്നത്. അതേസമയം ഞാൻ സീരിയസ് ആയി കിടന്നപ്പോൾ എന്റെ അടുത്ത് സഹായം തേടി വന്നിട്ട് ഞാൻ ആശുപത്രിയിൽ ആയപ്പോൾ കൊടുത്ത സഹായത്തിന്റെ പേരിൽ നുണ പറഞ്ഞ ആളുകളും ഉണ്ട്.
അവസാന നിമിഷം എന്നാണ് കരുതിയത്
കുറെ കാര്യങ്ങൾ നടന്നു, എനിക്കും ഉണ്ണിക്കും വഴക്ക് ഉണ്ടായിരുന്നു. ഞാൻ അവനെ ബ്രദർ ആയിട്ടാണ് കാണുന്നത്. അവൻ ഓടി വന്നിരുന്നു. അതാണ് മനുഷ്യത്വം എന്ന് പറയുന്നത്.
ലാലേട്ടൻ എല്ലാ ദിവസവും വിളിച്ചു കാര്യങ്ങൾ അന്വേഷിച്ചു. എല്ലാവരും വന്നു. എന്റെ അവസാന നിമിഷം എന്നാണ് ഞാൻ എന്റെ മനസ്സിൽ കരുതിയത്. പക്ഷെ ഒരു ആഗ്രഹം ഉണ്ടായിരുന്നു. എന്റെ മകളെ കാണണം എന്നത്. പക്ഷേ ഞാൻ ഉണ്ടായിരുന്ന സാഹചര്യത്തിൽ എനിക്ക് ചോദിയ്ക്കാൻ ആകില്ലല്ലോ.
എന്റെ മകളുടെ ആ വാക്കുകൾ
എനിക്ക് നാൽപ്പത് വയസ്സായി. അതിൽ എനിക്ക് ഒട്ടും അക്സെപ്റ്റ് ചെയ്യാൻ ആകാത്ത ഒന്ന് ഒരിക്കലും ഒരാൾക്കും ഒരു ജാതിക്കും മതത്തിനും ആർക്കും പിരിക്കാൻ കഴിയാത്തതാണ് അച്ഛൻ മകൾ ബന്ധം. ഏതു മനുഷ്യനോ ദൈവത്തിനോ പോലും അതിന് സാധിക്കില്ല. അത് എനിക്ക് അക്സെപ്റ്റ് ചെയ്യാൻ ആകുമായിരുന്നില്ല.
ഞാൻ പറയാതെ ഇരുന്നതാണ്. പക്ഷെ എന്റെ മനസ്സ് എല്ലാവർക്കും അറിയാം. മകളെ കണ്ടു. ഏറ്റവും മനോഹരമായ ഒരു വാക്ക് ഞാൻ കേട്ടു. ഇനിയുള്ള ദിവസങ്ങളിലും അത് എന്റെ ഓർമ്മയിൽ ഉണ്ടാകും.
എന്റെ ഡാഡിയാണ് എനിക്ക് എല്ലാം
ഈ ലോകത്തിൽ വച്ചേറ്റവും എനിക്ക് ഇഷ്ടം എനിക്ക് എന്റെ ഡാഡിയെ ആണ് എന്നാണ് മോൾ പറഞ്ഞത്. ഇംഗ്ളീഷിലേ പറഞ്ഞു. അതില്പരം എനിക്ക് ഒന്നും വേണ്ടിയിരുന്നില്ല. ഒരുപാട് സമയം ചിലവിടാൻ ആയില്ല. എന്റെ ആരോഗ്യസ്ഥിതി ഡൌൺ ആയി കൊണ്ടിരിക്കുകയായിരുന്നു. അത് മോൾ കാണണ്ട എന്ന് വിചാരിച്ചു, എന്റെ ഓർമ്മയിൽ ബാർബി ഡോൾ പിടിച്ച മോൾ ആണ്. ഇപ്പോഴും എന്റെ വീട്ടിൽ അവൾക്കുള്ള കളിപ്പാട്ടങ്ങൾ ആണ്. അവൾ ഇത്ര പെട്ടെന്ന് വളർന്നു എന്ന് വിശ്വസിക്കാൻ വയ്യ.
എന്നെ സ്നേഹിച്ച ആള് തന്നെ എത്തി
ഓപ്പേറഷൻ കഴിഞ്ഞപ്പോൾ എല്ലാം കോമഡി ആയിരുന്നു. പ്രത്യേകിച്ച് എടുത്തു പറയേണ്ടത് മുന്നയെ കുറിച്ചാണ്. ഡോണർ ആയി വന്നത് ജേക്കബ് ജോസഫ് ആണ്. നിങ്ങൾ ചോദിക്കുന്നത് കൊണ്ട് പറയുന്നത് ആണ്. ഡോണേഴ്സ് വന്നതിലും ന്യായ പരമായ കാര്യങ്ങൾ ഇല്ല. അതിൽ പറ്റിക്കുന്ന ആളുകൾ ഉണ്ട്. പക്ഷെ നൂറു ശതമാനം മാച്ചിൽ എന്നെ സ്നേഹിക്കുന്ന ഒരാൾ വന്നു. പുള്ളി മാത്രം അല്ല അദ്ദേഹത്തിന്റെ കുടുംബം മുഴുവനും എന്നെ സ്നേഹിച്ചു. ഇപ്പോഴും ഞായറാഴ്ചകളിൽ അവരുടെ വീട്ടിൽ ഇരുന്നു ഭക്ഷണം കഴിക്കാറുണ്ട്.
