മുംബൈ: വി.ഡി. സവർക്കർ ഇന്ത്യയുടെ അഭിമാനബിംബമാണെന്നും രാഹുൽ ഗാന്ധി അദ്ദേഹത്തെ അപമാനിച്ചെന്നും മഹാരാഷ്ട്ര മുഖ്യമന്ത്രി ഏകനാഥ് ഷിൻഡെ.
നിയമസഭാ സമ്മേളനത്തിനിടെയാണ് ഷിൻഡെ രാഹുലിനെതിരായ പരാമർശം നടത്തിയത്. സവർക്കർ മഹാരാഷ്ട്രയുടെ ആരാധനാപാത്രം മാത്രമല്ലെന്നും ഇന്ത്യയുടെ അഭിമാനബിംബമാണെന്നും ഷിൻഡെ പറഞ്ഞു. വെള്ളിയാഴ്ച സഭയ്ക്കുള്ളിൽ വച്ച് രാഹുലിന്‍റെ ചിത്രത്തിൽ ഭരണകക്ഷി അംഗങ്ങൾ ചെരുപ്പ് കൊണ്ട് അടിച്ചതിനെയും ഷിൻഡെ ന്യായീകരിച്ചു.
നേരത്തെ, ലോക്സഭാംഗത്വം റദ്ദാക്കപ്പെട്ട വിവാദ പരാമർശത്തിൽ മാപ്പുപറയില്ലെന്നും തന്‍റെ പേര് ഗാന്ധി എന്നാണ് സവർക്കറെന്നല്ലെന്നും രാഹുൽ പ്രസ്താവിച്ചിരുന്നു.
