റിയാദ്: സൗദി മന്ത്രിസഭയിൽ സുപ്രധാന മാറ്റങ്ങൾ വരുത്തി സൗദി ഭരണാധികാരി സൽമാൻ രാജാവ് ഉത്തരവിറക്കി. പുതിയ വാർത്താവിതരണ മന്ത്രിയായി സൽമാൻ ബിൻ യുസുഫ് അൽദോസരിയെ നിയമിച്ചു. ഇബ്രാഹിം ബിൻ മുഹമ്മദ് അൽ സുൽത്താനെ സ്റ്റേറ്റ് മന്ത്രിയായും മന്ത്രിസഭാ കൗൺസിൽ അംഗമായും നിയമിച്ചു.
മുതിർന്ന റാങ്കിലുള്ള സാംസ്കാരിക സഹമന്ത്രിയായി റകാൻ ബിൻ ഇബ്രാഹിം അൽ തൗഖ് നിയമിതനായി. ഇസ്മായിൽ ബിൻ സയ്ദ് അൽഗാംദിയെ മുതിർന്ന റാങ്കിൽ മാനവ വിഭവശേഷി സാമൂഹിക വികസന ഉപ മന്ത്രിയായും നിയമിച്ചു.
ഹമൂദ് അൽ മുറൈഖിയെ മന്ത്രി പദവിയോടെ റോയൽ കോർട്ട് ഉപദേശകനായും ലെഫ്റ്റനന്റ് ജനറൽ മുഹമ്മദ് ബിൻ ആമിർ അൽ ഹർബിയെ രഹസ്യാന്വേഷണ വിഭാഗം ഉപാധ്യക്ഷനായും നിയമിച്ചു.