പാലാ: കൊല്ലപ്പള്ളി വാളികുളത്ത് ബസും ബൈക്കും കൂട്ടിയിടിച്ചുണ്ടായ അപകടത്തില്‍ വിദ്യാർഥിക്ക് ദാരുണാന്ത്യം.
പത്തനംതിട്ട സ്വദേശിയും ചെങ്ങന്നൂർ ഐഎച്ച്ആര്‍ഡി കോളജിലെ വിദ്യാർഥിയുമായ അസ്‌ലം അയൂബ് ആണ് മരിച്ചത്. ഒപ്പമുണ്ടായിരുന്ന സുഹൃത്ത് യശ്വന്ത് മനോജിനെ ഗുരുതര പരിക്കുകളോടെ ചേർപ്പുങ്കൽ മാർ സ്ലീവാ മെഡിസിറ്റി ആശുപത്രിയിൽ പ്രവേശിപ്പിച്ചു.
വൈകിട്ട് മൂന്നോടെയായിരുന്നു അപകടം. ഈരാറ്റുപേട്ട ഇല്ലിക്കൽക്കല്ല് വിനോദസഞ്ചാര കേന്ദ്രത്തിൽ പോയി ഇരുവരും തിരിച്ചുവരുമ്പോഴാണ് അപകടമുണ്ടായത്. അസ്‌ലം സംഭവ സ്ഥലത്ത് തന്നെ മരിച്ചു.
ഇരുവരും സഞ്ചരിച്ച ബൈക്ക് മറ്റൊരു വാഹനത്തെ മറികടക്കാൻ ശ്രമിക്കുമ്പോൾ സ്വകാര്യ ബസുമായി നേർക്കുനേർ ഇടിക്കുകയായിരുന്നു.
