അമ്പലപ്പുഴ ദേശീയപാതയില് കാറും ലോറിയും കൂട്ടിയിടിച്ച് അഞ്ചു പേര് മരിച്ചു. കാറില് സഞ്ചരിച്ചിരുന്ന തിരുവനന്തപുരം പെരുങ്കടവിള ആലത്തൂര് സ്വദേശികളായ പ്രസാദ് (24) ഷിജു ദാസ് (24) ,സച്ചിന്, സുമോദ്, കൊല്ലം മണ്ട്രോതുരുത്ത് തേവലക്കര സ്വദേശി അമല് (26) എന്നിവരാണ് മരിച്ചത്.
തിങ്കളാഴ്ച പുലര്ച്ചെ ഒന്നരയോടെ ആണ് അപകടം. അപകടത്തില് കാറിന്റെ മുന്ഭാഗം പൂര്ണമായും തകര്ന്നു. ലോറിയില് ഉണ്ടായിരുന്നവര്ക്ക് പരിക്കുകളൊന്നുമില്ല. ലോറി ഡ്രൈവറേയും സഹായിയേയും പൊലീസ് കസ്റ്റഡിയില് എടുത്തിട്ടുണ്ട്.