ഡെറാഡൂണ്: ജോഷിമഠില് ദുരിത മേഖലയില് ഭക്ഷണമെത്തിച്ച് മടങ്ങിയ മലയാളി വൈദികന് അപകടത്തില് മരിച്ചു. കോഴിക്കോട് ചക്കിട്ടപ്പാറ സ്വദേശി മെല്വിന് പി. ഏബ്രഹാം (37) ആണ് മരിച്ചത്. ഇന്നലെ വൈകിട്ടായിരുന്നു അപകടം. ബിജ്നോര് രൂപതയില് സേവനം ചെയ്യുകയായിരുന്നു ഫാ.മെല്വിന്.
ജോഷിമഠില് ബിജ്നോര് രുപതയുടെ സനന്ദ്ധപ്രവര്ത്തനത്തില് പങ്കാളിയാണ് ഫാ.മെല്വിന്. മറ്റ് രണ്ടു വൈദികര്ക്കൊപ്പമാണ് അദ്ദേഹം സ്ഥലത്തെത്തിയത്. ഭക്ഷണം എത്തിച്ച ശേഷം തിരികെ പോകുന്നതിനിടെ മൂടല്മഞ്ഞിനെ തുടര്ന്ന് കാഴ്ചപരിധി നഷ്ടപ്പെടുകയും വാഹനം കൊക്കയിലേക്ക് മറിയുകയുമായിരുന്നു. മറ്റ് രണ്ട് വൈദികര്ക്കും പരിക്കുറ്റു. ഇന്നു രാവിലെയാണ് അപകട സ്ഥലത്തുനിന്നും മൃതദേഹം സൈന്യത്തിന് പുറത്തെടുക്കാന് കഴിഞ്ഞിത്. മൃതദേഹം ഋഷികേശിലെ ആശുപത്രിയിലേക്ക് മാറ്റി. ഞായറാഴ്ചയായിരിക്കും സംസ്കാരം.
ഇന്ന് രാവിലെയാണ് അപകട വിവരം ബന്ധുക്കളെ അറിയിച്ചത്. നാട്ടില് നിന്നും ബന്ധുക്കള് ബിജ്നോറിലേക്ക് പുറപ്പെട്ടിട്ടുണ്ട്.
ഭൂമി ഇടിഞ്ഞുതാഴുന്ന പ്രതിഭാസത്തെ തുടര്ന്ന് ജോഷിമഠില് നിന്ന് താമസക്കാര് ഒഴിഞ്ഞുപോകുകയാണ്. നിരവധി കുടുംബങ്ങള് സര്ക്കാര് നിര്ദേശിക്കുന്ന ദുരിതാശ്വാസ ക്യാമ്പുകളിലാണ് കഴിയുന്നത്.