തിരുവനന്തപുരം: രഞ്ജി ട്രോഫിയിൽ കേരള കർണാടക മത്സരം സമനിലയിൽ. കേരളത്തിന്‍റെ ആദ്യ ഇന്നിംഗ്സ് സ്‌കോറായ 342 റൺസിന് മറുപടിയായി കർണാടക ഒന്നാം ഇന്നിംഗ്സിൽ ഒൻപത് വിക്കറ്റിന് 485 റൺസെടുത്ത് ഡിക്ലയർ ചെയ്തു.
143 റൺസിന്‍റെ ഒന്നാം ഇന്നിംഗ്സ് ലീഡുമായി കേരളത്തെ കർണാടക രണ്ടാം ഇന്നിംഗ്സ് ബാറ്റിംഗിനയച്ചു. തുമ്പ സ്റ്റേഡിയത്തിൽ നാല് വിക്കറ്റിന് 96 റൺസെന്ന നിലയിൽ നിൽക്കേ മത്സരം സമനിലയിൽ അവസാനിപ്പിച്ചു. ഒന്നാം ഇന്നിംഗ്സ് ലീഡ് നേടിയ കർണാടകയ്ക്ക് കൂടുതൽ പോയിന്‍റ് ലഭിച്ചു. സ്‌കോർ: കർണാടക 485/9 ഡിക്ലയർ, കേരളം 342 & 96/4.
