രാംപൂര്‍: ഉത്തര്‍പ്രദേശില്‍ അടുത്തിടെ നടന്ന ഉപതിരഞ്ഞെടുപ്പുകളില്‍ ഞെട്ടിക്കുന്ന ഫലങ്ങളാണ് പുറത്തുവന്നത്. മെയിന്‍പുരി ലോക്സഭ, ഖതൗലി നിയമസഭ ഉപതിരഞ്ഞെടുപ്പുകളില്‍ സമാജ് വാദി പാര്‍ട്ടി (എസ്.പി) സഖ്യം വിജയിച്ചെങ്കിലും രാംപൂര്‍ സീറ്റില്‍ എസ്.പിക്ക് പരാജയം ഏറ്റുവാങ്ങേണ്ടി വന്നു. രാംപൂര്‍ ഉപതിരഞ്ഞെടുപ്പില്‍ അസംഖാന് തന്റെ ബൂത്തില്‍ പോലും കനത്ത പരാജയം ഏറ്റുവാങ്ങേണ്ടതായി വന്നു.
അസം ഖാന്റെ സമ്മതമില്ലാതെ ഒരു ഇല പോലും അനങ്ങാത്ത റാംപൂര്‍ മണ്ഡലത്തില്‍ സമാജ് വാദി പാര്‍ട്ടിക്ക് (എസ്.പി) ദയനീയ പരാജയം നേരിടേണ്ടി വന്നു. രാംപൂര്‍ മണ്ഡലത്തിലേക്ക് നടന്ന ഉപതിരഞ്ഞെടുപ്പില്‍ എസ്.പി സ്ഥാനാര്‍ത്ഥി അസിം റാസയ്ക്ക് പരാജയം ഏറ്റുവാങ്ങേണ്ടി വന്നു. അസം ഖാന്‍ 10 തവണ എംഎല്‍എ ആയിരുന്ന അതേ സീറ്റാണിത്. എന്നാല്‍ അസം ഖാനോട് അടുപ്പമുള്ള അസിം രാജ ഉപതെരഞ്ഞെടുപ്പില്‍ പരാജയപ്പെട്ടു.
ഈ ഉപതിരഞ്ഞെടുപ്പില്‍ തന്റെ ബൂത്ത് സംരക്ഷിക്കാന്‍ പോലും അസംഖാന് കഴിഞ്ഞില്ല എന്നതാണ് പ്രത്യേകത. റാസ ഡിഗ്രി കോളേജിലാണ് അസംഖാന്റെ ബൂത്ത്. ഉപതിരഞ്ഞെടുപ്പില്‍ അഞ്ചാം നമ്പര്‍ ബൂത്തില്‍ 189 വോട്ടുകള്‍ മാത്രമാണ് പോള്‍ ചെയ്തത്, അതില്‍ ബിജെപി സ്ഥാനാര്‍ത്ഥി ആകാശ് സക്സേനയ്ക്ക് 96 വോട്ടുകള്‍ ലഭിച്ചപ്പോള്‍ എസ്.പി സ്ഥാനാര്‍ത്ഥി അസിം രാജയ്ക്ക് 87 വോട്ടുകള്‍ മാത്രമാണ് ലഭിച്ചത്. സ്വതന്ത്ര സ്ഥാനാര്‍ത്ഥി ജുനൈദ് ഖാന്‍ രണ്ട് വോട്ടുകള്‍ നേടിയപ്പോള്‍ രണ്ട് വോട്ടുകള്‍ നോട്ടയുടെ അക്കൗണ്ടിലേക്ക് പോയി.
അസംഖാന്റെ ഭാര്യയും മുന്‍ എംപിയുമായ ഡോ. തന്‍സിന്‍ ഫാത്തിമയും എംഎല്‍എയുടെ മകന്‍ അബ്ദുല്ല അസമും അഞ്ചാം നമ്പര്‍ ബൂത്തില്‍ വോട്ട് രേഖപ്പെടുത്തി. റാസ കോളേജിലെ തന്നെ ഒന്നാം നമ്പര്‍ ബൂത്തിലും ബിജെപി വിജയിച്ചു. ബിജെപി സ്ഥാനാര്‍ത്ഥിക്ക് 280 വോട്ടുകള്‍ ലഭിച്ചപ്പോള്‍ എസ്.പി സ്ഥാനാര്‍ത്ഥിക്ക് 11 വോട്ടുകള്‍ മാത്രമാണ് ലഭിച്ചത്. രണ്ടാം നമ്പര്‍ ബൂത്തില്‍ ബിജെപിക്ക് 303 വോട്ടും എസ്പിക്ക് 15 വോട്ടും ലഭിച്ചു.
മൂന്നാം നമ്പര്‍ ബൂത്തില്‍ ബിജെപിക്ക് 120 വോട്ടും എസ്.പിക്ക് 30 വോട്ടും ലഭിച്ചു. നാലാം നമ്പര്‍ ബൂത്തില്‍ ബിജെപി തോറ്റു. ഇവിടെ ബിജെപി സ്ഥാനാര്‍ത്ഥി ആകാശ് സക്സേനയ്ക്ക് 19 വോട്ടും സമാജ്വാദി പാര്‍ട്ടിക്ക് 144 വോട്ടും ലഭിച്ചു. 6-ാം നമ്പര്‍ ബൂത്തില്‍ ബി.ജെ.പിക്ക് 16ഉം സമാജ് വാദി പാര്‍ട്ടിക്ക് 53ഉം ബൂത്ത് നമ്പര്‍ 7-ല്‍ ബി.ജെ.പിക്ക് 28ഉം സമാജ് വാദി പാര്‍ട്ടിക്ക് 148ഉം വോട്ട് ലഭിച്ചു.
എട്ടാം നമ്പര്‍ ബൂത്തില്‍ ബി.ജെ.പിക്ക് 36ഉം സമാജ് വാദി പാര്‍ട്ടിക്ക് 93ഉം വോട്ടുകള്‍ ലഭിച്ചപ്പോള്‍ ഒമ്പതാം നമ്പര്‍ ബൂത്തില്‍ ബി.ജെ.പിക്ക് 13ഉം സമാജ്വാദി പാര്‍ട്ടിക്ക് 171ഉം 10-ാം നമ്പര്‍ ബൂത്തില്‍ ബി.ജെ.പിക്ക് 38ഉം സമാജ് വാദി പാര്‍ട്ടിക്ക് 51ഉം വോട്ടുകളാണ് ലഭിച്ചത്. ബൂത്ത് നമ്പര്‍ 11ല്‍ ബിജെപിക്ക് 21ഉം എസ്.പിക്ക് 61ഉം വോട്ട് ലഭിച്ചു. 12-ാം നമ്പര്‍ ബൂത്തില്‍ ബി.ജെ.പിക്ക് 47ഉം എസ്.പിക്ക് 132ഉം 13-ാം നമ്പര്‍ ബൂത്തില്‍ ബി.ജെ.പിക്ക് 74ഉം എസ്.പിക്ക് 82ഉം വോട്ടുകളാണ് ലഭിച്ചത്.
14-ാം നമ്പര്‍ ബൂത്തില്‍ ബിജെപിക്ക് 57 വോട്ടും എസ്പിക്ക് 239 വോട്ടും ലഭിച്ചു. ഈ 14 ബൂത്തുകളിലെയും വോട്ടെണ്ണല്‍ നടന്ന ആദ്യ റൗണ്ടില്‍ ബിജെപി സ്ഥാനാര്‍ത്ഥിക്ക് 1148 വോട്ടും സമാജ്വാദി പാര്‍ട്ടിക്ക് 1277 വോട്ടും ലഭിച്ചു.
