തൃപ്രയാർ: തൃപ്രയാർ ഏകാദശി ദിവസം സ്ത്രീകളുടെ മാല കവർന്ന കേസിൽ തമിഴ് സ്ത്രീകളെ പോലീസ് അറസ്റ്റ് ചെയ്തു. തമിഴ്നാട് സ്വദേശികളായ അംബിക, ലക്ഷ്മി, അനിത, സന്ധ്യ എന്നിവരാണ് വലപ്പാട് പോലീസിൻ്റെ പിടിയിലായത്. മുതിർന്ന നാല് സ്ത്രീകളുടെ 14 പവൻ സ്വർണമാണ് ഇവർ മോഷ്ടിച്ചത്.

ഏകാദശി ദിവസത്തെ തിരക്ക് മുതലെടുത്താണ് ഇവർ മോഷണം നടത്തിയത്. ഉത്സവം നടക്കുന്ന സ്ഥലങ്ങളിലും തിക്കും തിരക്കുമുള്ള സ്ഥലങ്ങളിലും സംഘമായി എത്തി മോഷണം നടത്തുന്നതാണ് ഇവരുടെ രീതി. ക്ഷേത്രത്തിലെ സിസിടിവി ദൃശ്യങ്ങൾ പരിശോധിച്ചതിൽ നിന്നാണ് പ്രതികളെ തിരിച്ചറിഞ്ഞത്. കോടതിയിൽ ഹാജരാക്കിയ നാല് പേരേയും റിമാൻഡ് ചെയതു. വലപ്പാട് ഇൻസ്പെക്ടർ കെ എസ് സുശാന്തിൻ്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.