ഗാന്ധിനഗർ: ഗുജറാത്ത് നിയമസഭ തെരഞ്ഞെടുപ്പിൽ ബിജെപി തരംഗത്തിലും കടപുഴകാതെ ദളിത് നേതാവും കോൺഗ്രസ് വർക്കിംഗ് പ്രസിഡന്റുമായ ജിഗ്നേഷ് മേവാനി. കടുത്ത പോരാട്ടത്തിനൊടുവിൽ തുടർച്ചയായ രണ്ടാം വട്ടവും വാദ്ഗാം മണ്ഡലത്തിൽനിന്നും മേവാനി ജയിച്ചു.
3857 വോട്ടിന്റെ ഭൂരിപക്ഷത്തിലായിരുന്നു ജയം. ബിജെപി സ്ഥാനാർഥി മനിഭായ് ജെതാഭായ് വഗേലയെയാണ് മേവാനി പരാജയപ്പെടുത്തിയത്. മേവാനിക്ക് 92,567 വോട്ടും വഗേലക്ക് 88,710 വോട്ടും ലഭിച്ചു.
2017 ൽ വാദ്ഗാമിൽനിന്നും കോൺഗ്രസ് പിന്തുണയോടെ സ്വതന്ത്ര സ്ഥാനാർഥിയായാണ് മേവാനി ജയിച്ചത്. പിന്നീട് അദ്ദേഹം കോൺഗ്രസിൽ ചേർന്നു.