ന്യൂഡൽഹി: ഹിമാചൽ പ്രദേശ് തെരഞ്ഞെടുപ്പിൽ വിജയം സമ്മാനിച്ച ജനങ്ങൾക്ക് ഹൃദയം നിറഞ്ഞ നന്ദിയെന്ന് കോണ്‍ഗ്രസ് നേതാവ് രാഹുൽ ഗാന്ധി. തെരഞ്ഞെടുപ്പ് വാഗ്ദാനങ്ങൾ കഴിയുന്നത്ര വേഗത്തിൽ നിറവേറ്റുമെന്നും രാഹുൽ ഗാന്ധി വ്യക്തമാക്കി. ഹിമാചൽ പ്രദേശിൽ പ്രവർത്തിച്ച കോണ്‍ഗ്രസ് പ്രവർത്തകർക്കും നേതാക്കൾക്കും രാഹുൽ നന്ദി അറിയിച്ചു.
കോണ്‍ഗ്രസിന്‍റെ വിജയത്തിന് ഗാന്ധി കുടുംബത്തിന് നന്ദി പറഞ്ഞ ഖാർഗെ ഭാരത് ജോഡോ യാത്ര തെരഞ്ഞെടുപ്പ് വിജയത്തിന് ഏറെ സഹായിച്ചുവെന്നും പറഞ്ഞു. ഗുജറാത്ത് തെരഞ്ഞെടുപ്പിൽ നേരിട്ട പരാജയത്തെ അംഗീകരിക്കുന്നു. ജനാധിപത്യത്തിൽ ജയവും തോൽവിയും ശാശ്വതമല്ല. തോൽവിയുടെ പശ്ചാത്തലത്തിൽ കോണ്‍ഗ്രസ് ആത്മപരിശോധന നടത്തി ജനങ്ങൾക്കായി തുടർന്നും പോരാടുമെന്നും ഖാർഗെ പറഞ്ഞു.
