ബോഡി പോസിറ്റിവിറ്റിയെ കുറിച്ച് ഇന്ന് നിരന്തരം പല ചര്ച്ചകളും നടക്കുന്നുണ്ട്. ബോഡി ഷെയ്മിങ് ഏറ്റവും കൂടുതല് നേരിടുന്ന സിനിമാ താരങ്ങള് തന്നെയാണ് പലപ്പോഴും ഇത്തരത്തിലുള്ള ചര്ച്ചകള്ക്ക് തുടക്കം കുറിക്കുന്നതും. സമീറ റെഡ്ഡി മുതല് മഞ്ജിമ മോഹൻ വരെ താന് നേരിട്ടിട്ടുള്ള ബോഡി ഷെയ്മിങ്ങിനെ കുറിച്ച് തുറന്നു പറഞ്ഞിട്ടുമുണ്ട്. ഇപ്പോഴിതാ മലയാളത്തിലെ യുവ നടി നമിത പ്രമോദും ബോഡി പോസിറ്റിവിറ്റി സൂചിപ്പിക്കുന്ന ചിത്രങ്ങളുമായി രംഗത്തെത്തിയിരിക്കുകയാണ്.
തന്റെ ശരീരത്തിലെ ചുളിവുകളും സ്ട്രെച്ച് മാർക്കും വെളിപ്പെടുത്തുന്ന ചിത്രങ്ങളാണ് നമിത ഇന്സ്റ്റഗ്രാമിലൂടെ പങ്കുവച്ചത്. കാറിനുള്ളില് ഇരിക്കുന്ന ചിത്രങ്ങള് പങ്കുവച്ചാണ് താരത്തിന്റെ പോസ്റ്റ്. നമിതയുടെ പോസ്റ്റിന് പിന്തുണയുമായി നിരവധി പേരാണ് രംഗത്തെത്തിയത്. എങ്ങനെയിരുന്നാലും സ്വന്തം ശരീരത്തെ സ്നേഹിക്കുക എന്നും ഏതു ലുക്കിലും നമിത സുന്ദരിയാണെന്നുമൊക്കെ ആണ് ആരാധകരുടെ കമന്റുകള്.