പാലക്കാട്: രമ്യാ ഹരിദാസ് എംപിയെ നിരന്തരം ഫോൺ വിളിച്ച് ശല്യപ്പെടുത്തിയയാളെ പോലീസ് അറസ്റ്റ് ചെയ്തു. കോട്ടയം സ്വദേശി ഷിബു(48) ആണ് പിടിയിലായത്.
രാത്രി സമയത്ത് എംപിക്ക് നേരെ ഫോണിലൂടെ അസഭ്യവർഷം ചൊരിയുകയും ഭീഷണിപ്പെടുത്തുകയും ചെയ്ത ഇയാളെ കോട്ടയത്ത് നിന്നാണ് പിടികൂടിയത്. രണ്ട് വ്യത്യസ്ത നന്പറുകളിൽ നിന്ന് എംപിയെ നിരന്തരം വിളിച്ച് ശല്യം ചെയ്ത ഇയാളെ പോലീസ് നേരത്തെ താക്കീത് ചെയ്ത് വിട്ടിരുന്നു.
എന്നാൽ തുടർന്നും ഫോണിലൂടെ ഇയാൾ ശല്യം ചെയ്തതോടെ എംപി ഔദ്യോഗികമായി പരാതി നൽകുകയും പോലീസ് ഇയാളെ അറസ്റ്റ് ചെയ്യുകയുമായിരുന്നു.