ജറുസലേം: നഗരകവാടത്തിന് സമീപത്തെ ബസ് സ്റ്റോപ്പിൽ നടന്ന സ്ഫോടനത്തിൽ ഏഴ് പേർ കൊല്ലപ്പെട്ടു. 12 പേർക്ക് പരിക്കേറ്റു.
ബുധനാഴ്ച രാവിലെയാണ് ബസ് സ്റ്റോപ്പിൽ സ്ഥാപിച്ച സ്ഫോടക വസ്തു പൊട്ടിത്തെറിച്ചത്. സ്ഫോടനത്തിനിടെ പ്രദേശത്ത് ചീളുകൾ ചിതറിത്തെറിക്കുകയും വാഹനങ്ങൾക്ക് കേടുപാട് സംഭവിക്കുകയും ചെയ്തു.
പ്രദേശം സുരക്ഷിതമാണെന്നും സംഭവത്തിൽ വിശദമായ അന്വേഷണം ആരംഭിച്ചതായും പോലീസ് അറിയിച്ചു. മാസങ്ങളായി നിലനിന്നിരുന്ന ശാന്തതയ്ക്ക് ശേഷം ഇസ്രയേൽ – പലസ്തീൻ സംഘർഷം രൂക്ഷമായ വേളയിലാണ് സ്ഫോടനം നടന്നതെന്നത് ശ്രദ്ധേയമാണ്.