ന്യൂഡല്‍ഹി: സാഹിത്യത്തിനുള്ള അഞ്ചാമത് ജെസിബി പുരസ്‌കാരം പ്രസിദ്ധ ഉറുദു എഴുത്തുകാരന്‍ പ്രഫസർ ഖാലിദ് ജാവേദിന്. നമത് ഖാനാ (ദി പാരഡൈസ് ഓഫ് ഫുഡ്) എന്ന നോവലിനാണ് ബഹുമതി. 25 ലക്ഷം രൂപയും ശിൽപവുമടങ്ങുന്നതാണ് പുരസ്‌കാരം.
ബാരണ്‍ ഫാറൂഖിയാണ് നോവൽ ഉറുദുവില്‍ നിന്ന് ഇംഗ്ലീഷിലേക്ക് വിവര്‍ത്തനം ചെയ്തത്. ഫാറൂഖിക്ക് പത്തു ലക്ഷം രൂപ സമ്മാനം ലഭിക്കും. ഇടത്തരം മുസ്‌ലിം കൂട്ടുകുടുംബത്തിലെ അര നൂറ്റാണ്ടു കാലത്തെ ജീവിത യാത്രയുടെ കഥയാണ് ‘പാരഡൈസ് ഓഫ് ഫുഡ്’ പറയുന്നത്.
ബുക്കര്‍ പുരസ്‌കാരത്തിന് അര്‍ഹമായ ഗീതാഞ്ജലി ശ്രീയുടെ ടോം ഓഫ് സാന്‍ഡ്, ഷീല ടോമിയുടെ മലയാളം നോവല്‍ വല്ലി (ഇംഗ്ലീഷ് പരിഭാഷ: ജയശ്രീ കളത്തില്‍) എന്നിവയും ചുരുക്കപ്പട്ടികയില്‍ ഇടം പിടിച്ചിരുന്നു.
