അഗർത്തല: ത്രിപുരയിലെ ഖോവായിൽ നടന്ന സിപിഎം – ബിജെപി സംഘർഷത്തിൽ ഒന്പത് പേർക്ക് പരിക്കേറ്റു. ടെലിയാമുര മേഖലയിൽ ശനിയാഴ്ച രാത്രിയാണ് പാർട്ടി പ്രവർത്തകർ ഏറ്റുമുട്ടിയത്.
പ്രദേശത്ത് നടന്ന സിപിഎം യോഗത്തിനിടെയാണ് സംഘർഷം നടന്നത്. യോഗവേദിയിലേക്ക് കടന്നെത്തിയ ബിജെപി പ്രവർത്തകരുമായി നടന്ന വാക്കുതർക്കം സംഘർഷത്തിലേക്ക് വഴിമാറുകയായിരുന്നു. സംഭവത്തിൽ രണ്ട് പോലീസ് ഉദ്യോഗസ്ഥർക്കും പരിക്കേറ്റു.
സംഘർഷത്തിന് തുടക്കമിട്ടത് എതിർ പാർട്ടിക്കാരാണെന്നാണ് ഇരു കൂട്ടരും ആരോപിക്കുന്നത്. പരിക്കേറ്റവർ ടെലിയാമുര പ്രാഥമികാരോഗ്യ കേന്ദ്രത്തിൽ ചികിത്സയിൽ തുടരുകയാണ്.