ഇ​സ്ലാമാ​ബാ​ദ്: പാ​ക്കി​സ്ഥാ​ൻ മു​ൻ പ്ര​ധാ​ന​മ​ന്ത്രി ഇ​മ്രാ​ൻ ഖാ​ന് നേ​രെ​യു​ണ്ടാ​യ കൊ​ല​പാ​ത​ക ശ്ര​മ​ത്തി​ൽ “റി​ക്ക​ഷെ ഇ​ഫ​ക്ടി​’ന്‍റെ സാ​ന്നി​ധ്യം ഉ​ണ്ടാ​യി​രു​ന്നെ​ന്ന അ​ഭി​പ്രാ​യ​വു​മാ​യി ബാ​ലി​സ്റ്റി​ക് വി​ദ​ഗ്ധ​ർ. ഖാ​ന് നേ​രി​ട്ട് വെ​ടി​യേ​റ്റി​ല്ലെ​ന്നും വെ​ടി​യു​ണ്ട‌​യു​ടെ ചീ​ളു​ക​ളാ​ണ് ചി​ത​റി തെ​റി​ച്ച് കാ​ലി​ലെ പേ​ശി​യി​ൽ ത​റ​ച്ച​തെ​ന്നു​മാ​ണ് ഇ​വ​ർ അ​ഭി​പ്രാ​യ​പ്പെ​ടു​ന്ന​ത്.

വേ​ഗ​ത്തി​ൽ സഞ്ചരിക്കുന്ന ഒ​രു വ​സ്തു കാഠിന്യമേറിയ ഏ​തെ​ങ്കി​ലും പ്ര​ത​ല​വു​മാ​യി കൂ​ട്ടി​മു​ട്ടു​ന്പോ​ൾ ഉ​ണ്ടാ​കു​ന്ന സ്വ​ഭാ​വി​ക ദി​ശാ​മാ​റ്റ​ത്തെ സൂ​ചി​പ്പി​ക്കു​ന്ന പ്ര​യോ​ഗ​മാ​ണ് റി​ക്ക​ഷെ ഇ​ഫ​ക്ട്. വി​ദ​ഗ്ധ ആ​യു​ധ പ​രി​ശീ​ല​നം ല​ഭി​ച്ച​വ​ർ വെ​ടി​യു​ണ്ട ല​ക്ഷ്യ​ത്തി​ലേ​ക്ക് എ​ത്തി​ക്കാ​ൻ സ​മീ​പ​ത്തു​ള്ള മ​റ്റേ​തെ​ങ്കി​ലും വ​സ്തു​വി​ലേ​ക്ക് മ​നഃ​പൂ​ർ​വം ഉ​ന്നം വ​യ്ക്കു​ന്ന സം​ഭ​വ​ങ്ങ​ൾ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ണ്ട്.

എ​ന്നാ​ൽ ഖാ​ന് നേ​രെ​യു​ണ്ടാ‌​യ ആ​ക്ര​മ​ണ​ത്തി​ൽ റി​ക്ക​ഷെ ഇ​ഫ​ക്ട് ബോ​ധ​പൂ​ർ​വം ഉ​പ​യോ​ഗി​ച്ച​ത​ല്ലെ​ന്നും അ​ക്ര​മി​ക്ക് ല​ക്ഷ്യം തെ​റ്റി​യ​താ​ണെ​ന്നും വി​ദ​ഗ്ധ​ർ അ​ഭി​പ്രാ​യ​പ്പെ​ട്ടു.

അ​ക്ര​മി ഉ​പ​യോ​ഗി​ച്ച 9 എം​എം വെടിയുണ്ട ഖാ​ൻ സ​ഞ്ച​രി​ച്ചി​രു​ന്ന ട്ര​ക്കി​ൽ ത​ട്ടി ചീ​ളു​ക​ളാ​യി ചി​ത​റി തെ​റി​ക്കു​ക​യും ചെ​യ്ത​താ​യും ഈ ​ക​ഷ​ണ​ങ്ങ​ളാ​ണ് അ​ദേ​ഹ​ത്തി​ന്‍റെ ശ​രീ​ര​ത്തി​ൽ പ്ര​വേ​ശി​ച്ച​തെ​ന്നും സൂ​ച​ന​യു​ണ്ട്. ‌ട്ര​ക്കി​ന്‍റെ ഭാ​ഗ​ങ്ങ​ളും ഖാ​ന്‍റെ ശ​രീ​ര​ത്തി​ൽ ത​റ​ച്ചു ക​യ​റി​യി​ട്ടു​ണ്ട്.

റി​ക്ക​ഷെ ഇ​ഫ​ക്ട് വാ​ദ​ത്തി​ന് ഔ​ദ്യാ​ഗി​ക സ്ഥി​രീ​ക​ര​ണ​മൊ​ന്നും ല​ഭ്യ​മാ​യി​ട്ടി​ല്ല. എ​ന്നാ​ൽ ഖാ​ന്‍റെ മു​ൻ ആ​രോ​ഗ്യ സം​ഘ​ത്തി​ലെ അം​ഗ​മാ​യി​രു​ന്ന ഫൈ​സ​ൽ സു​ൽ​ത്താ​ൻ ആ​ക്ര​മ​ണ​ത്തി​ന് ശേ​ഷ​മു​ള്ള ഖാ​ന്‍റെ കാ​ലി​ലെ മു​റി​വി​ന്‍റെ ദൃ​ശ്യ​ങ്ങ​ളും ആ​ശു​പ​ത്രി​യി​ൽ നി​ന്ന് ല​ഭി​ച്ച ആ​രോ​ഗ്യ റി​പ്പോ​ർ​ട്ടു​ക​ളും ചൂ​ണ്ടി​ക്കാ​ട്ടി ഈ ​വാ​ദം ശ​രി​യാ​ണെ​ന്ന പ്ര​സ്താ​വ​ന ന​ട​ത്തി​യി​ട്ടു​ണ്ട്.