ന്യൂഡൽഹി: തന്റെ മകൻ സിദ്ധു മൂസെ വാലയ്ക്ക് നീതി ലഭിച്ചില്ലെങ്കിൽ രാജ്യം വിടുമെന്ന് പിതാവ്. ഗായകന്റെ ആരാധകർ ഞായറാഴ്ച അദ്ദേഹത്തിന്റെ വീട്ടിലെത്തിയിരുന്നു. അവരെ അഭിസംബോധന ചെയ്തുകൊണ്ട് സംസാരിക്കുകയായിരുന്നു പിതാവ് ബൽക്കർ സിംഗ്. സിദ്ധു മൂസെ വാല കൊല്ലപ്പെട്ടിട്ട് അഞ്ച് മാസം പിന്നിടവെയാണ് അദ്ദേഹത്തിന്റെ പ്രതികരണം.
‘ഞാൻ രാജ്യത്തെ സേവിച്ചു, വിരമിച്ച സൈനികനാണ്, ഞാൻ നിരന്തരം നീതി ആവശ്യപ്പെടുന്നു. എന്നാൽ ഇതുവരെ നീതി ലഭിച്ചില്ല, പക്ഷേ പീഡിപ്പിക്കപ്പെടുകയാണ. സിദ്ധുവിന്റെ അനുയായികളെ മർദ്ദിച്ചു. സംഭവത്തിൽ ഡിജിപിയെ കാണാൻ സമയം തേടിയിട്ടുണ്ട്’ ബൽക്കർ സിംഗ് പറഞ്ഞു. നവംബർ 25 വരെ കാത്തിരിക്കും. എന്നിട്ടും നീതി ലഭിച്ചില്ലെങ്കിൽ രാജ്യം വിടുമെന്നാണ് ബൽക്കർ സിംഗ് പറഞ്ഞത്.
മകനോട് അനുഭാവം പുലർത്തിയവർ പീഡിപ്പിക്കപ്പെടുന്നു. ജാനി ജോഹലിന് (പഞ്ചാബി ഗായിക) നോട്ടീസ് അയച്ചു. അന്വേഷണ ഏജൻസിക്കോ സർക്കാരിനോ ചോദിക്കാനുള്ള ചോദ്യങ്ങൾ ഞങ്ങളോട് ചോദിക്കൂ എന്നാണ് മകനെ അപകീർത്തിപ്പെടുത്തുന്ന ബൽക്കർ സിംഗ് പറയുന്നത്. സിദ്ദു മുസേവാലയുടെ പിസ്റ്റളും മൊബൈലും വാഹനവും ഇപ്പോഴും പോലീസിന്റെ പക്കലുണ്ടെന്നും അദ്ദേഹം പറഞ്ഞു.
താൻ പറയുന്നത് കേട്ടില്ലെങ്കിൽ മകന്റെ കേസ് പിൻവലിക്കും, ബംഗ്ലാദേശിൽ പോയി നിൽക്കേണ്ടി വന്നാലും ഇവിടെ നിൽക്കില്ല. സർക്കാരിന് തെരഞ്ഞെടുപ്പിനെ കുറിച്ച് മാത്രമാണ് ആശങ്ക. ‘സർക്കാരിന്റെ മോശം സംവിധാനങ്ങൾ കാരണം യുവാക്കൾ നിരന്തരം വിദേശത്തേക്ക് പോകുകയാണെന്നും ബൽക്കർ സിംഗ് പറഞ്ഞു. സിദ്ധു മൂസെവാലയുടെ അമ്മയും സംസാരിച്ചിരുന്നു. മകൻ ആരേയും ഉപദ്രവിച്ചിട്ടില്ലെന്നാണ് അമ്മ പറഞ്ഞത്.
